Valencia bëri një nisje spektakolare në Champions. Ekipi spanjoll fitoi në Londër përballë Chelsea me rezultatin 0-1, por në kampionat po has vështirësi. Djemtë e Celades u ndalën në një barazim 1-1 në shtëpi përballë Leganes.
Parejo me anë të një penalltie kaloi vendasit në avantazh në minutën e 21-të, por miqtë reaguan shumë shpejt. Oscar goditi fort me të majtën në minutën e 35-të dhe barazoi ndeshjen.
Pjesa e dytë nuk dhuroi më gola dhe të dy ekipet ndanë nga një pikë. Valencia renditet përkohësisht në vend të 13-të me 5 pikë, ndërsa Leganesi mbyll renditjen me pikën e fituar sot. /abcnews.al
Valencia – Leganes 1-1
(Parejo (pen) 21’ / Oscar 35’)
