Garda Revolucionare kapi sot një anije tregtare në ujërat ndërkombëtare në Gjirin Persik dhe anija mund të jetë përfshirë në kontrabandë, tha një zëdhënës i marinës amerikane.
“Forcat e Marinës së SHBA kanë vendosur mjete detare për të monitoruar nga afër situatën,” tha zëdhënësi i Flotës së Pestë të SHBA, Tim Hawkins.
“Përfundimisht, Komanda Qendrore e Forcave Detare të SHBA-së përcaktoi se rrethanat e këtij incidenti nuk kërkonin një përgjigje të mëtejshme”, shtoi ai.
