Zyrtarizimi i “divorcit” të Paris Saint-Germain me Christophe Galtier është çështje orësh, me kampionët e Francës që njoftojnë se të mërkurën do të mbahet një konferencë shtypi në qendrën e tyre të re stërvitore.
Sipas “L’Parisien” dhe “RMC Sport”, Luis Enrique ndodhet në Paris, prej kohësh gati për të marrë drejtimin teknik të skuadrës, por procedurat që kanë vonuar largimin zyrtar të Christophe Galtier, kanë vonuar edhe shpalljen e zëvendësimit të tij.
Megjithatë, duket se drejtuesit e Parisit do të arrijnë të njoftojnë largimin e Galtier brenda orëve në vijim, në mënyrë që të njoftojnë edhe Luis Enrique gjatë konferencës së nesërme për shtyp, në të cilën logjika dikton klubi do të zyrtarizojë edhe blerjet e Lucas Hernandez, Ugarte, Asensio, Skriniar, Kang In Lee dhe Endur. /G.D abcnews.al/
