Defender Europe ’23, një stërvitje shumëkombëshe, kishte si qëllim përmirësimin e gaditshmërisë dhe ndërveprimin operacional midis SHBA-ve dhe aleatëve të NATO-s. Stërvitja u zhvillua midis datave 24 Prill deri më 23 Qershor, me pjesëmarrjen e 7 mijë forcave amerikane dhe 17 mijë ndërkombëtare.
Në rajonin e Ballkanit u zhvillua stërvitja ‘Immediate Rensponse’ nga 22 Maj- 2 Qershor, drejtimin e së cilës e kishte Shqipëria. Eksperti Enri Hide, në emisionin “Lufta dhe Paqja” thotë se me veprimet që ka bërë Rusia, ka ngritur përballë saj një bllok të madh perëndimor që nuk mund ta mposhtë.
“Shtetet perëndimore se kanë pasur në objektivin e tyre për ta ngritur Rusinë si kundërshtar. Por me atë që Rusia ka bërë gjatë kësaj periudhe, tashmë ka ngritur dhe ka konsoliduar një bllok aq të madh kundër saj saqë çfarëdo lloj strategjie e ka shumë të vështirë që të dalë edhe të përballojë.
Nuk ka asnjë lloj alternative tjetër përveçse ose të dështojë, të humbasë dhe të ridimensionojë politikën e saj ose Putin të largohet dhe të kemi një elitë të re politike në Rusi.”, tha Hide.
