Presidenti i Ukrainës, Volodymyr Zelensky duket se ka konfirmuar se kundërofensiva e e shumëpritur e vendit të tij kundër Rusisë ka filluar. Por ai shtoi se nuk do të fliste në detaje se në cilën fazë apo gjendje ishte kundërofensiva.
Komentet vijnë pas një përshkallëzimi të luftimeve në jug dhe lindje të Ukrainës. Trupat ukrainase raportohet se kanë avancuar në lindje pranë Bakhmut dhe në jug pranë Zaporizhzhia, dhe kanë kryer sulme me rreze të gjatë ndaj pozicioneve ruse.
Presidenti rus Vladimir Putin tha në një video të publikuar të premten se forcat ukrainase me siguri kishin filluar ofensivën e tyre, por se përpjekjet për përparime kishin dështuar duke shkaktuar shumë viktima.
Ndërkohë, luftimet janë përshkallëzuar ditët e fundit në rajonin kyç jugor të Zaporizhzhia, sipas zyrtarëve rusë. Forcat ukrainase mendohet se po përpiqen të përparojnë në jug, duke depërtuar në territorin e pushtuar që lidh Rusinë me Krimenë.
Shpresa e Ukrainës për përparime në rajon mund të pengohen nga përmbytjet e mëdha në jug të vendit pas shpërthimit të digës Nova Khakovka javën e kaluar.
/abcnews.al
