Tensionet në veri të Kosovës, Vjosa Osmani bisedë telefonike me presidenten e Sllovenisë

Presidentja e Kosovës, Vjosa Osmani zhvilloi një bisedë telefonike këtë të enjte, me homologen e saj sllovene, Natasha Pirc Musar.

Përmes një postimi në rrjetet sociale, Osmani u shpreh se me Musar diskutoi ndër të tjera për zhvillimet e fundit në Kosovë.

Osmani nënvizoi se me Slloveninë, Kosova përpiqet për bashkëpunim më të ngushtë dhe stabilitet në rajon.

“Bisedë e shkëlqyer me Presidenten Natasha Pirc Musar mbi zhvillimet e fundit, Procesin e ardhshëm Brdo-Brijuni dhe vizitën e saj të ardhshme në Kosovë. Së bashku, ne përpiqemi për bashkëpunim më të ngushtë, paqe, stabilitet dhe një zbatim të fuqishëm të agjendës së Grave, Paqes dhe Sigurisë”, shkroi ajo në Twitter.

Excellent call with President @nmusar on recent developments, the upcoming Brdo-Brijuni Process and her forthcoming visit to Kosovo.

Together, we strive for closer cooperation, peace, stability and a robust implementation of the Women, Peace, and Security agenda. ???? pic.twitter.com/CXGmgub2Xv

— Vjosa Osmani (@VjosaOsmaniPRKS) June 8, 2023