Leo Messi pritet të transferohet tek Inter Miami në kampionatin MLS.
Sipas Guilleme Balague, Messi ka marrë vednimin të shkojë në klubin e David Beckham. Kjo pasohet nga raportimi i “L’Equipe”, që tha se klubi me bazë në Florida të Jugut ishte në krye për nënshkrimin e Messit pasi argjentinasi filloi të merrte oferta zyrtare nga Arabia Saudite.
Pati gjithashtu një flirt me një rikthim në Barcelonë, për të cilin babai i tij, Jorge Messi ka treguar se do të ishte destinacioni i preferuar.
Megjtihatë, duke marrë parasysh paqëndrueshmërinë financiare të klubit spanjoll, mundësia që kjo lëvizje të realizohej ishte e zbehtë.
Në lidhje me transferimin në Arabinë Saudite, “L’Equipe” thotë se Messi dhe gruaja e tij Antonella nuk e pëlqejnë faktin për t’u zhvendosur bashkë me tre fëmijët e tyre në shkretëtirën e Gjirit. Kur bëhet fjalë për Barceëlonën, Antonella dhe Messi mbeten ende të interesuar për një rikthim.
Por sipas mediumit francez, një mosbesim i vazhdueshëm ndaj presidentit të Barcelonës, Joan Laporta, është të paktën një nga arsyet pse nuk është e mundur.
Marrëveshja e cila mundëson kalimin e Messit te Inter Miami thuhet se përfshin kontribute nga dy prej partnerëve më të mëdhenj tregtarë të MLS. AppleTv, mbajtësi aktual i të drejtave të transmetimit dhe Adidas, sponsori i kampionatit amerikan.
MLS dhe Apple thuhet se kanë diskutuar t’i ofrojnë Messit një pjesë të të ardhurave të krijuara nga transmetuesit e rinj. Apple po punon gjithashtu në një dokumentar me katër pjesë që rrëfen katër paraqitjet e Messit në Kupën e Botës. Ndërkohë Adidas thuhet se po i ofron argjentinasit një marrëveshje për ndarjen e fitimit me gjigandin e veshjeve sportive.
Ka gjithashtu zëra se Messi do të ketë të njëjtin opsion në kontratën e tij që Beckham iu dha duke lejuar më pas argjentinasin të blejrë një aksion në një klub në MLS me një çmim të paracaktuar./ h.ll/abcnews.al
