Vetëm pak ditë më parë, “veterani” i mesfushës së Barcelona, Sergi Busquets njoftoi largimin e tij nga klubi ku nisi gjithçka dhe shkroi historinë, në fundin e këtij sezoni aktual, sezon ku do të largohet se kampion i La Liga.
Në konferencën për shtyp në prag të derbit vendimtar ndaj Espanyol, tekniku Xavi, “i pikëlluar” për largimin e Busquets, e konsideroi këtë të fundit si një ndër lojtarët më të zgjuar që ka parë ndonjëherë në fushën e lojës
“Busquets është lojtari më i zgjuar që kam parë apo luajtur me të. Ai është një gjeni.
Po humbasim mesfushorin qendror më të mirë në historinë tonë. Sergi dha maksimumin në gjithçka që bëri në fushë dhe jashtë saj”,- tha “numri 1” i pankinës së Barça-s. /i.m /abcnews.al
