Kryetari i Partisë Socialiste të Tiranës, Erion Veliaj shpërndau certifikata mirënjohje për socialistët me kontribut të veçantë ndër vite në njësinë numër dhjetë në kryqytet.
“Partia Socialiste ka fituar 8 nga 9 betejat e fundit, një rekord që nuk e ka asnjë parti tjetër në rajonin tonë apo në Europë. Ne jemi e vetmja parti që mirënjohjen e kemi në statutin e partisë”, u shpreh ai.
Veliaj ironizoi rivalët në garën për Bashkinë e Tiranës për të cilët tha se për disa vota po bajnë fushatë me ide të majta.
“E keni vënë re, në këtë fushatë, pothuajse të gjithë kandidatët janë të majtë? Kemi kandidatë nga Partia Socialiste, kemi një nga Partia Komuniste, kemi një nga një lëvizje marksiste, kemi një që hiqet sikur është me Saliun, por është regjistruar me LSI. Pra, këtu të gjithë kandidatët, formalisht janë të majtë. E kishit menduar se një ditë, edhe Flamur Noka do regjistrohej si anëtar i Partisë Komuniste vetëm për të futur një kandidat në Tiranë?! Ata e dinë që nuk fitojnë, megjithatë shansi për të marrë disa vota është duke folur majtas, duke menduar majtas, duke bërë fushatë majtas, duke u investuar në ide të majta. Sot ti ke edhe të drejtën të marrësh të gjithë idetë e majta, madje të shkosh edhe më larg se Enveri dhe të thuash “do ta bëjmë çdo gjë falas”. Tortën falas, taksitë falas, avionët falas,”
Pas njësisë 10 Veliaj, takoi disa prej banorëve të njësisë numër 1 në Tiranë të cilëve iu shprehu mirënjohjen për inkurajimin për të çuar para punët në kryeqytet./abcnews.al
