Erion Veliaj

Veliaj-Juli-1280x583.jpg
nev ila11:21 | 26/03/2020

Mëngjesin e sotëm tek njësia nr.1 qytetarë, të moshuar, me aftësi të kufizuara, të sapoliruar nga burgu dhe të reja kanë zënë radhë për të marrë ndihmat duke pasur edhe përplasje me punonjëset e bashkisë.

Në grumbullimin e tyre as që bëhej fjalë për të respektuar masat e sigurisë për të parandaluar përhapjen e koronavirusit.

ABC News raportoi live këtë gjendje kaotike dhe të rrezikshme për situatën e pandemisë që mbërthyer vendin.

Pas raportimit live të gazetares Esiona Konomi për ABC News, ka reaguar kryebashkiaku Erion Veliaj në një lidhje telefonike direkt në studio me gazetaren Juli Xhokaxhi.

Në këtë lidhje telefonike Veliaj tha se Bashkia i ka listat e familjeve në nevojë dhe sipas tyre po operon për shpërndarjen e ndihmave.

Ndërkohë Veliaj deklaroi se qytetarët nuk kanë pse të dynden për të kryer pagesat e ujit pranë arkave të ujësjellësit pasi nuk do të aplikohen kamatëvonesat.

Në këtë mënyrë qytetarët mund ti kryejnë pagesat e ujit pa krijuar dyndje.

“Ka 10 ditë që kemi deklaruar, të paktën për ujin që menaxhon bashkia e Tiranës, pagesat nuk kanë kamatëvonese. Pra faturën e Shkurtit mund ta paguash në Prill, në mars, në qershor, nuk ka pikë kamatëvonese. Nuk do të thotë të shkojnë me vrapo në fund të muajit për të paguar ujin. Ky nuk është momenti për tu dyndur për të kryer pagesat. Qëndrimi në shtëpi na vlen më shumë në këtë situatë, çështjen e pagesave kemi kohë ta zgjidhim”, tha Veliaj.

Ndërkohë më herët është njoftuar se edhe për pagesat e energjisë elektrike nuk do të ketë kamatvonesë.

Qytetarët mund të kryejnë pagesat mujore edhe më pas pa kamatvonesë./abcnews.al

tirnae.jpg
in a11:11 | 26/03/2020

Kryebashkiaku i Tiranës Erion Veliaj në lidhje telefonike për “ABC News” ka folur për ndihmat ekonomike që po shpërndahen për personat në nevojë. Ndërkohë që në njësinë bashkiake numër 1 komuniteti rom ka protestuar , pasi sipas tyre kanë mungesa ushqimore.

Veliaj tha se ndihmat shpërndahen shtëpi më shtëpi dhe për këtë arsye qytetarët nuk duhet të grubmbullohen në njësitë bashkiake.

“Për komunitetin rom kemi një listë të gjithë banorëve. Ashtu siç i kemi gjetur shtëpi po ndihmohen edhe me ushqime.

Të gjitha ndihmat u shkojnë njerëzve në shtëpi sepse nuk duam që të kthehen në burim infeksioni.

Kryetari ështe në terren, ndihmat janë duke shkuar shtëpi më shtëpi, e njëjta gjë bëhet dhe me njësinë numër 1.

Nuk mund të ketë panik vetëm në një njësi. Roli i medias është që të mos ekspozohen, është detyrim të ruani njerëzit. Dua që ti ftoni njerëzit që të qëndrojnë në shtëpi. Ne e kemi listën e komuniteti rom dhe të komunitetit egjiptian. Detyrimi është sensibilizimi.

Njerëzit që punojnë në Bashkinë e Tiranës janë gjithashtu njerëz, familjarë, edhe ekspozimi i këtyrë punonjësve me turma njerëzish nuk shkon duhet të ruajmë jetën e tyre. Ndihma nuk të vijë duke qëndruar te njësia, kthehuni në shtëpi dhe në do ti ndjekim”, tha Veliaj.

A keni lista të sakta,  ndihma si shpërndahet?

Veliaj: Ndihma është ajo që familja shpenzon për dy javë, dhe nuk është e përditshme.

Për dy javë është ndihma dhe ditën e nesërme nuk mund të thuash më mbaroi. Bashkia i ka listat dhe ndihma përmban të gjitha ushqimet bazë, jo ushqime luksi. Nuk shqërbejmë dot mish apo gjëra të tjera që prishen.

Duke bërë këtë ndodh që në këtë njësi ku pononjësit soial janë dukë shkur në shtëpi ndërsa njerëzit dalin tek njësia. Nëse nuk gjen njeri në shtëpi shkojnë në shtëpi të tjera.

Mjafton të regjistrojnë emrin personat që nuk janë në listë dhe ne do ti ndihmojmë.

Kjo është për pensionistët, nënat më shumë fëmijë, për personat më ndihmë ekonomike.

Ndihmë do të marrin vetëm personat nevojtarë. Numri i familjeve që përfitojnë është 6000-6700 në të gjithë teritorin e Bashkisë së Tiranës. Ndihma nga biznese apo shoqata të ndryshme kanë  ofruar edhe pajisje higjeno sanitare, mjete bazë për të ruajtur higjenën.

Më tej Veliaj theksoi se janë dy operacione që po merren me shpërndarjen e ndihmave. “Një e kryen Ministria e Shëndetësisë dhe një tjetër realizohet nga administratorët social të cilët kujdesen për të moshuarit që nuk kanë moshën e duhur për të dalë për të bërë shpenzimet”, tha ndër të tjera Veliaj./abcnews.al

veli.jpg
in a17:12 | 18/03/2020

Shqipëria tashmë është e perkur nga COVID-19 dhe qeveria ka marrë masa drastike për të parandaluar përhapjen e virusit.

Kryebashkiaku Erion Veliaj në lidhje me “ABC News” ka folur për masat e marra për të parandaluar koronavirusin. Veliaj u shpreh se nga kjo situatë është e rëndësishme të rikuperohen humbjet. Gjithashtu ai theksoi se Bashkia e Tiranës do të jetë në ndihmë të të moshuarve të cilët janë të vetmuar.

Veliaj u shpreh se secili prej nesh do të kthehej në një lloj armë vrasëse nëse do të kalonim kohë me prindërit tanë.

“Kemi reduktuar stafin që ka të bëjë me transportin publik. Pastrimi i qytetit bëhet 5 herë në ditë. Më e rëndësishme është shërbimi social dhe njësitë tona administrative kanë redukuar shërbimet derë më derë duke ruajtur minimumin e shërbimeve jetike.

Stafi që konsiderohet vunerabël mbi 60 vjeç, për shkak të koronavirusit, është reduktuar.

Do ta përballoni me numrin që keni në dispozicion?

“I dimë të gjithë ata që janë vërtet të moshuar të vetmuar.

Nëse dikush neglizhon prindërit duhet ti vijë turp. Bashkia do të kujdeset për ata të moshuar të vetmuar. Ne i monitorojmë dhe nga gjendja civile e dimë tashmë se kush duhet ndihmuar. Të telefonojnë njësinë administrative ku banojnë, por thirrja për të gjithë shqiptarët është ti gjenden pranë prindërve, familjarëve të afërmve”, u shpreh Veliaj.

Më tej ai tha se janë rreth 5 mijë persona që adresohen.

“Për ata që janë pensionistë të vetmuar dreka shkon e gatshme, ndërsa për familjet që janë në çadra apo janë në gjendje të gatuajnë në shtëpi marin një paketë mujore.

Bashkia nuk i merr para personave që janë në ndihmë ekonomike.

Gjithashtu ai theksoi se mudësitë për të kontaktuar, është numri i gjelbër që është falas 0800 08 88. Nuk është ky momenti që u hap thesi të kapim ça të kapim”, tha më tej Veliaj.

Mënyra se si po mblidhen mbeturinat në Tiranë?

Veliaj: Kemi 1 milion njerëz që po qëndrojnë në shtëpi. Kemi shtim ditor të konsumit, çdo ditë është bërë ditë piku. Pastrimet janë shtuar duke bërë 5 pastrime në ditë.

Ne do të vazhdojmë të pastrojmë të penalizojmë dhe të kërkojmë sensibilizim. Deri me sot nuk kemi pasur asnjë infeksion në Tiranë nga plehrat me koronavirus. Ne kemi pasur infeksion nga njeriu te njeriu.

Si e planifikoni daljen e njerëzve për të bërë dezinfketimin e pallateve?

Veliaj: Ka një kalendar dhe ndiqet një program. Ende nuk ka një rast të infektimit të njerëzve nga ashensori apo kazanet e plehrave. Bashkia po kujdeset për gjërat primare. Përgjegjësia e secilit prej nesh është të kujdeset për higjenën peronale.

Si paraqitet furnizimi i Tiranës me ujë?

“Tirana ka të njëjtin regjim uji, përkundrazi janë shtuar oraret”.

Më tej Veliaj theksoi është bërë një skedulë e pagesës, është një vendimarrje adminstrative e tatim-taksave të Bashkisë së Tiranës dhe kemi vendosur ta shtyjmë afatin në qershor.

Nëse mes marsit dhe muajit prill për lokalet në Tiranë që nuk kanë punuar, 1/12 e taksës reduktohet. Jemi për të ndihmuar ata që realisht po preken nga ky pezullim. Për kompani apo biznese që po vazhdojnë të punojnë nuk janë pjesë e këtij shembulli./abcnews.al

veliaj-1.jpg
in a10:23 | 12/03/2020

Kryebashkiaku i Tiranës Erion Veliaj ka reaguar në rrjetin social “Facebook” për urdhrin e autobusëve.

Veliaj shkruan se urdhri nuk do të ndryshojë dhe se punonjësit e transportin urban që mbrëmë ishin turni i tretë në punë, do të qëndrojnë në shtëpi. Gjithashtu Veliaj u bën thirrje qytetarëve të qëndrojnë të shmangin lëvizjet për shkak të koronavirusit.

“Nuk ka devijim nga urdhri për autobusët! Sot e bëri edhe Italia. Por kush ishte turn i tretë mbrëmë do duhet ta rikthejmë në shtëpi mor shokë sot në mëngjes te fëmijët, për sa kohë s’kish dijeni mbrëmë. RriNeShtepi e sa më pak portale kontaminuese pranë vetës”, shkruan Veliaj.

veliaj-erion.jpg
in a16:23 | 09/03/2020

Kryebashkiaku , Erion Veliaj në një deklaratë për mediat ka folur për masat e marra për koronavirusin në Tiranë.

Veliaj theksoi se qytetarët duhet të tregohen më të kujdesshëm dhe se higjenizimi do të vazhdojë çdo mëngjes dhe çdo mbrëmje, sa i përket hapësira publike.

“Qendrat sociale të ndryshojnë formatin e shërbimit. Të ndiqen të gjitha rastet ku abuzohet me çmimet. Është e pafalshme të abuzohet, do të jeni të pamëshirshëm me këdo që abuzon me rritjen e çmimit. Nuk do të ketë tolerime”, tha Veliaj.

Gjithashtu Veliaj theksoi se do të mbyllen qendrat sociale.

“Do ndërpresim shërbimin tradicional në qendrat socialet, për një shërbim alternativ. Më mirë t’ua shërbejmë aty ku jetojnë. Paniku është me i dëmshëm se vetë virusi. Te ruajmë qetësinë, janë marre disa masa, siç është mbyllja e shkollave. Ajo ishte një masë parandaluese.

Kjo përfshin dhe kopshtet dhe çerdhet ne kemi dezinfektuar këto institucione do të bëhëm sërish dezinfektim, kur të jepen urdhrat për rifillim. Në momentin që qeveria do të njoftohej rihapjen e tyre, ne do të bëjmë dezinfektim para hapjes.

Do të anulohen të gjitha aktivitetet, mbledhjet masive, si dhe festimet për ditën e Verës. Mezi e prisnim ardhjen e Malumës në Tiranë, por është anuluar çdo aktivitet deri në 3 prill.

Ajo që duam t’ju kërkojmë qytetarëve është që epiqendra e virusit të Shqipërisë, ndaj do ju luteshim që kush vjen ngas vendet e rrezikut, të vetëkarantinohen”, tha Veliaj.

erion-veliaj-1280x638.jpg
nev ila16:04 | 07/03/2020

Kryebashkiaku Erion Veliaj me rastin e festës së 7 marsit, festës së mësuesit, organizoi një ceremoni mirënjohjeje për 25 mësues të shkollave të ndryshme për të cilat shpërndau medaljen e 100 vjetorit të Tiranës.

Në këtë ceremoni Veliaj mbajti  një fjalë përshëndetëse për të gjithë mësuesit por nuk la pa kritikuar ata që kanë qenë kryebashkiak më parë në këtë detyrë.

Më tej Veliaj theksoi se disa prej shkollave në kryeqytet kanë nevojë të rindërtohen nga e para pasi tërmeti i 26 nëntorit i ka dëmtuar, një prej tyre është edhe shkolla “Sami Frashëri” për të cilën kryebashkiaku tha se duhet të rindërtohet nga e para.

“Kemi nevojë për infrastrukturë arsimore. Shkolla “Sami Frashëri” do të rindërtohet nga e para.

Shikoja sot politikanë që thonin “gëzuar zysha, gëzuar mësuesja ime e parë” ndërkohë që kanë qenë në krye të detyrave të rëndësishme dhe ja kanë futur aq kot me ca gjëra. Si kanë lejuar zaptimin e shkollave kur kanë qenë në krye të punëve?

Këta që kanë qenë kryetarë bashkie, a kanë qenë ndonjëherë nxënës. Këta që kanë qenë në krye të vendit, a kanë qenë ndonjëherë nxënës?

Por shkolla nuk është vetëm llac e tulla. Kemi nevojë të kalojmë nga një projekt pilot në një universal. Mësuesit mund të na ndryshojnë jetën. Disa prej nesh kanë harruar një detyrë të rëndësishme, atë të prindërimit“, tha Veliaj.

Duke theksuar se rol të rëndësishëm ka edhe prindërimi, Veliaj solli një shembull personal, ku sipas tij një nënë kishte problem me djalin e saj, pasi i biri nuk e dëgjonte dhe kërkonte vetëm Lali Erin që të ulej e të mësonte. Sipas Veliajt kjo ishte e tepërt pasi shteti nuk mund të jetë dado.

“Nuk mund të kërkojmë një shtet dado, nuk mund të kërkojmë nga mësuesit të jenë dado, kryetari i Bashkisë nuk mund të jetë dado, as kryeministri. Ne menduam që të fusim një libër, i cili do të quhet si të prindërosh? Dua që t’ju kujtoj diçka, pas çdo njeriu të madh ka një mësues”, tha Veliaj.

Në përfundim të fjalës së tij kryebashkiaku Veliaj shpërndau medaljen e mirënjohjeve për 25 mësues të shkollave të Tiranës./abcnews.al

Veliaj-Mazniku-Ditjoni-1.jpg
nev ila17:26 | 06/03/2020
Organi i akuzës kërkon pushimin e çështjes ndaj nënkryetarit të bashkisë Tiranë, Arbjan Mazniku dhe drejtori i Planifikimit Urban, Ditjon Baboçi; megjithë dëshmitë kontradiktore mbi pagesën e një hoteli me 5 yjet në Barcelonë, që sipas prokurorëve u pagua nga Shkëlqim Fusha dhe iu rimbursua nga Bashkia dy zyrtarëve- të cilët pretenduan se paratë ia kthyen Fushës në cash.

 

Më 17 dhjetor 2019, Prokuroria e Tiranës iu drejtua gjykatës me kërkesë për pushimin e hetimit ndaj zyrtarëve të lartë të Bashkisë së kryeqytetit, të cilët akuzohen se përfituan pagesa nga biznesmeni Shkëlqim Fusha për qëndrimin e tyre në një hotel me 5 yje në Barcelonë në qershor 2018.

Vendimi për pushim u ndërmor vetëm 3 muaj pas regjistrimit të një procedimi penal me akuzat e shpërdorimit të detyrës dhe korrupsionit, pas publikimit në media të një fature të paguar nga karta personale e biznesmenit Fusha për llogari të nënkryetarit të Bashkisë, Arbjan Mazniku.

Por ndryshe nga konkluzioni i Prokurorisë, dokumentet hetimore të siguruara nga BIRN ngrejnë pikëpyetje të dyfishta mbi seriozitetin e hetimit dhe zyrtarët e përfshirë në këtë çështje –të cilët rezultojnë se jo vetëm përfituan qëndrimin në hotel nga Fusha, por përfituan edhe rimbursim për kostot e akomodimit në Barcelonë nga arka e Bashkisë së Tiranës.

Ceremonia e ndarjes së çmimit “European Prize for Public Urban Space” u zhvillua më 20 qershor në Barcelonë dhe Bashkia e Tiranës u përfaqësua në këtë event nga një delegacion prej 5 vetash.

Në të morën pjesë kryetari i Bashkisë, Erion Veliaj, nënkryetari Arbjan Mazniku, drejtori i Planifikimit Urban, Ditjon Baboçi, drejtori i Shërbimeve Mbështetëse, Fatjon Sallaku, etj.

Drejt Barcelonës udhëtuan më 19 qershor edhe biznesmeni Fusha dhe djali i tij, me ftesë të projektuesit belg të sheshit “Skënderbej”.

Ndërsa kryebashkiaku Veliaj u akomodua në hotelin “Alma Barcelona” nga organizatorët e eventit, dokumentet tregojnë se Mazniku e Baboçi zgjodhën të qëndrojnë në të njëjtin hotel me kryetarin falë bujarisë së biznesmenit Fusha, i cili e pagoi faturën e qëndrimit të tyre për dy netë me një vlerë prej 1816 euro në total.

Pas kthimit në Tiranë, Mazniku dhe Baboçi u rimbursuan edhe nga arka e Bashkisë e Tiranës për shpenzimet e hotelit me 1465 euro në total.

Në dëshmitë e tyre për Prokurorinë, Mazniku dhe Baboçi në njërën anë dhe biznesmeni Fusha në anën tjetër dhanë deklarime kontradiktore për rrethanat e pagesës së hotelit nga ky i fundit. Por në kërkesën e Prokurorisë, dëshmia e biznesmenit Fusha konsiderohet si “versioni zyrtar” i historisë, duke shkarkuar nga përgjegjësia zyrtarët e kallëzuar.

Mazniku dhe Baboçi pretenduan gjithashtu para Prokurorisë se ia kthyen paratë e hotelit Fushës në cash, pas mbërritjes së tyre në Tiranë.

I pyetur nga BIRN për përfitimin e dyfishtë të pagesës së hotelit, Mazniku tha se nuk kishte koment, pasi sipas tij “çështja në fjalë është ezauruar në sistemin e drejtësisë”.

“Kur flet drejtësia, të tjerët duhet të heshtin,” tha Mazniku përmes një mesazhi. Ditjon Baboçi nuk iu përgjigj kërkesës për koment nga BIRN.

Ndërsa drejtuesja e Prokurorisë së Tiranës, Elisabeta Imeraj nuk i shpjegoi kontradiktat e hetimit në një bisedë telefonike me BIRN.

“Prokurori nuk mbyll hetime, por i bën kërkesë gjykatës. Presim një verdikt të gjykatës nëse kërkesa jonë për pushimin e procedimit do të vlerësohet apo jo e drejtë,” tha Imeraj.

Vendimi i Prokurorisë së Tiranës për pushimin e hetimit shihet me dyshim nga Aleanca për Mbrojtjen e Teatrit, e cila është pjesë e këtij procesi në cilësinë e kallëzuesit.

“Kemi dyshime për ligjshmërinë e kërkesës së Prokurorisë për mbylljen e hetimit,” tha Adriana Kalaja, përfaqësuese e Aleancës për BIRN.

“Mendojmë që hetimet me ndërhyrje nuk janë të plota dhe ne nuk jemi thirrur për t’u pyetur nga Prokuroria,” shtoi ajo.

“Nuk kishte dhoma, ndaj u dhashë të miat”

Në ceremoninë e ndarjes së çmimit “European Prize for Urban Public Space” më 20 qershor 2018 në Barcelonë, projekti i sheshit “Skënderbej”, i zbatuar nga kompania Fusha sh.p.k, fitoi çmimin e parë. Fusha Sh.p.k është kontraktori më i madh i bashkisë së Tiranës prej kohës që ky institucion drejtohet nga Erion Veliaj.

Suksesi i Bashkisë në Barcelonë u mjegullua megjithatë në gusht 2019 nga publikimi në portalin JOQ i një fature hoteli të paguar nga karta personale e biznesmenit Fusha për llogari të Maznikut.

Ngjarja u denoncua si “konflikt i pastër interesi” nga Partia Demokratike në opozitë, ndërsa në Prokurorinë e Tiranës mbërritën dy kallëzime paralele për hetimin e çështjes, një nga Prokuroria e Përgjithshme dhe i dyti nga Aleanca për Mbrojtjen e Teatrit Kombëtar.

Përgjatë tre muajve të hetimit, prokurorët Elisabeta Imeraj dhe Alket Mersini administruan procedurat e ndjekura nga Bashkia e Tiranës për mbulimin e shpenzimeve të aktivitetit si dhe dëshmitë e personave të përfshirë.

Urdhrat e shërbimit tregojnë se Bashkia shpenzoi mbi 1.2 milionë lekë dhe 590 euro për bileta avioni, pagesa hoteli dhe dieta për pesë anëtarët e delegacionit- me përjashtim të hotelit të Veliajt që rezulton i paguar nga organizatorët.

Zyrtarët e Bashkisë u ndanë në dy hotele gjatë qëndrimit të tyre në Barcelonë: Veliaj, Mazniku dhe Baboçi u akomoduan në hotel Alma –vetëm disa hapa larg bulevardit kryesor “Passeig de Gràcia”, ndërsa tre punonjësit e tjerë në hotelin “Astoria”.  Biznesmeni Fusha dhe djali i tij rezultojnë të kenë qëndruar në hotelin “Majestic”.

Në dëshmitë e tyre për Prokurorinë, Mazniku dhe Baboçi mohuan që të ishin në dijeni se dhomat e hotelit të tyre për 19 dhe 20 qershorin ishin paguar më parë nga biznesmeni Fusha. Ata deklaruan se ishin akomoduar në hotel Alma në Barcelonë në orët e vona të natës, ndërsa të nesërmen e kishin kaluar ditën në ceremoninë e ndarjes së çmimeve.

Pagesën e faturës nga Fusha, Mazniku tha se e kishte mësuar mëngjesin e 21 qershorit 2018, kur kishte shkuar në recepsion për të paguar faturën.

“Nga personeli i hotelit jam informuar që pagesa [578 euro për dy netë] ishte kryer nga shtetasi Shkëlqim Fusha, administrator i shoqërisë Fusha sh.p.k. Kam komunikuar me shtetasin Shkëlqim Fusha, të cilit i kam thënë se do ta bëj rimbursimin me t’u kthyer në Tiranë, për faktin se atë ditë kam udhëtuar në Londër…,” ka thënë Mazniku në Prokurori.

Mazniku ka shtuar gjithashtu se faturën e hotelit e kishte dorëzuar në Bashki dhe ishte rimbursuar nga Bashkia më 8 tetor 2018 në llogarinë së pagës. I pyetur mbi formën e pagesës së shumës ndaj Shkëlqim Fushës, Mazniku është përgjigjur “ia kam bërë në kesh”.

Ndryshe nga Mazniku, Baboçi ka deklaruar në Prokurori se e kishte mësuar në Tiranë faktin se fatura e dhomës së tij në vlerën 887 euro ishte paguar nga biznesmeni Fusha, por nuk e mbante mend se nga kush. Edhe Baboçi deklaroi se paratë ia kishte kthyer Fushës cash në dorë.

Biznesmeni Shkëlqim Fusha tregoi një tjetër version të historisë përballë Prokurorisë. Ai tha se kishte planifikuar të shkonte në Barcelonë së bashku me bashkëshorten, vajzën, djalin dhe drejtuesin teknik të kompanisë.

Më 16 qershor 2018, ai tha se pagoi në mënyrë të pakthyeshme dy dhoma në hotel “Alma” për veten, bashkëshorten dhe vajzën dhe për shkak të mungesës së dhomave të tjera, kishte rezervuar në hotel Majestic dy dhoma të tjera për djalin dhe drejtuesin teknik.

Planet sipas Fushës ndryshuan, pasi bashkëshortja dhe e bija e anuluan udhëtimin për arsye shëndetësore, ndërsa drejtuesi teknik e anuloi për arsye familjare.

Kur Fusha me të birin mbërritën në hotel Alma në Barcelonë, dikush nga delegacioni i Bashkisë i kishte thënë se nuk kishte më dhoma të lira në hotel.

“Nuk më kujtohet se cili nga përfaqësuesit e bashkisë më ka thënë që nuk paska më dhoma të lira në këtë hotel. Aty u kam thënë që nëse dëshironi mund të përdorni dhomat e mia të cilat i kisha të prenotuara në hotelin “Alma Barcelona”, pasi kisha edhe dy dhoma të tjera të prenotuara te hoteli tjetër,” tha Fusha.

Fusha ka pretenduar në Prokurori se kishte mësuar më 21 qershor se në dhomat e paguara prej tij ishin akomoduar Mazniku dhe Baboçi. Ai pretendoi gjithashtu se hoteli i kishte dërguar një formular pas mbërritjes në Shqipëri për shkak të mospërputhjes së emrit të prenotuesit me personat që kishin fjetur- por shtoi se nuk e dispononte këtë dokument.

Fusha pretendoi gjithashtu se i kishte marrë mbrapsht pagesat e hotelit nga Mazniku dhe Baboçi.

“Pasi jam kthyer në Tiranë më ka kontaktuar shtetasi Ditjon Baboçi me të cilin jam takuar dhe më ka bërë rimbursimin cash sipas faturës së hotelit për netët e qëndrimit te Alma Barcelona. Disa ditë më pas, të njëjtin veprim ka kryer edhe Arbjan Mazniku,” përfundon Fusha në dëshmi.

Mbyllja e hetimit

Elisabeta Imeraj

Prokuroria e Tiranës i nisi hetimet më 26 shtator 2019 për veprat penale të “korrupsionit pasiv të personave që ushtrojnë funksione publike” dhe “shpërdorimit të detyrës”. Hetimet u kryen nga drejtuesja e Prokurorisë së Tiranës, Elisabeta Imeraj dhe prokurori Alket Mersini.

Megjithatë më 17 dhjetor 2019, prokurorët i kërkuan gjykatës pushimin e procedimit penal, me konkluzionin se Mazniku dhe Baboçi  “nuk kanë përfituar në mënyrë të paligjshme asnjë lloj përfitimi, në mënyrë të drejtpërdrejtë apo tërthorazi”.

Prokuroria i justifikon pagesat e hotelit që Mazniku dhe Baboçi përfituan nga Bashkia e Tiranës me argumentin se ata kishin dorëzuar pranë financës së Bashkisë dokument justifikues për këtë shpenzim, e cila është fatura e lëshuar nga hotel Alma në Barcelonë. Sipas Prokurorisë, rimbursimi i shpenzimeve nga buxheti i bashkisë është kryer në periudhën korrik-gusht në llogaritë personale të anëtarëve të delegacionit.

Ndërsa për justifikimin e pagesës së faturës së hotelit nga karta personale e biznesmenit Shkëlqim Fusha, prokurorisë i ka ardhur në ndihmë dëshmia e këtij të fundit.

“Nga aktet hetimore e pikërisht referuar dokumentacionit të administruar rezulton se shtetasit Arbjan Mazniku e Ditjon Baboçi nuk kanë bërë rezervim hoteli dhe në datën 19 qershor 2018… nga recepsioni i hotelit janë vënë në dijeni se nuk ka dhoma për akomodimin e tyre,” deklaron Prokuroria.

“Në këtë kohë, shtetasi Shkëlqim Fusha i gjendur i pranishëm u ka ofruar qëndrimin e tyre në dhomat e prenotuara nga ai për llogari të punonjësve dhe familjarëve të tij…,” argumenton më tej Prokuroria.

Dy prokurorët argumentojnë gjithashtu se nuk provohet që Mazniku dhe Baboçi të kenë qenë në dijeni se fatura e hotelit të tyre ishte paguar nga Fusha –fakt që sipas Prokurorisë e kanë mësuar kur janë pajisur nga recepsioni me faturat përkatëse të qëndrimit të tyre në hotel.

Prokuroria argumenton në anën tjetër se e ka të provuar faktin që më 16 qershor 2018, biznesmeni Fusha ka paguar në mënyrë të pakthyeshme me kartën e tij personale përmes faqes “Booking” dy dhoma për dy netë qëndrimi në hotelin Alma Barcelona dhe ka prenotuar dy dhoma të tjera në të njëjtën datë në hotelin “Majestic”.

Prokuroria merr gjithashtu për të mirëqenë pretendimin se hotel Alma i kishte dërguar Fushës një formular tip për saktësimin e mospërputhjes së emrit të prenotuesit me emrat e personave që kanë fjetur –ndonëse Fusha deklaroi se nuk e kishte ruajtur atë dhe një dokument i tillë nuk ekziston në dosjen hetimore.

“Sa më sipër, megjithëse ekzistojnë dyshime nuk ka prova që të vërtetojnë se shtetasit Arbjan Mazniku dhe Ditjon Baboçi të kenë kryer veprën penale të parashikuar nga neni 259 i Kodit Penal,” thonë prokurorët.

Gjithashtu fakti i provuar nuk parashikohet nga ligji as si ndonjë vepër penale e parashikuar në Kodin Penal,” përfundojnë ata, duke kërkuar pushimin e hetimit.

Seanca paraprake në Gjykatën e Tiranës për këtë kërkesë do të zhvillohet më 25 mars./BIRN

erion-veliaj-ahmetaj.jpg
nev ila14:00 | 29/02/2020

Ministri i Rindërtimit, Arben Ahmetaj në fjalën e tij në Kongresin e PS, foli për rindërtimin e vendit pas tërmetit.  Ahmetaj premtoi se ky proces do të sjell dhe një rritje ekonomike. Por ai gjatë deklaratës së tij nuk harroi që të bënte dhe disa batuta, ku një prej tyre ishte për Erion Veliajn.

Sipas ministrit, Veliajn socialistët duhet të mos e lodhin, pasi e kishte porosi nga Kryeministri. Sipas Ahmetajt, Lali Eri u duhej për të ardhmen.

“Bashkisë së Tiranës ia kemi lënë 24 prillin jo më kot, se lali Erin e duam shumë dhe e kemi porosi nga kryeministri që mos ta lëmë pa gjumë siç rri edhe vetë dhe sic na lë ne, që të forcohet çik më shumë në të ardhmen. Lali Eri e kemi vërtet porosi, nuk kam c’të bëj, ti e di që unë jam shumë i kujdesshëm me porositë që lë kryeministri”, u shpreh Ahmetaj./abcnews.al

eri.jpeg
Autor E12:04 | 29/02/2020

Bashkia e Tiranës do të ndërtojë dy kampuse të reja universitare të cilat do të ofrojnë të gjitha standardet për të gjithë ata të rinj që studiojnë në Universitetin e Tiranës apo në Universitetin Bujqësor.

Në kuadër dhe të Paktit për Universitetin, kryebashkiaku Veliaj dha lajmin e mirë se shumë shpejt do të fillojnë punimet për Kampusin e Ri ku do të zhvendosen studentët e Juridikut dhe të Gjuhëve të Huaja, kurse në Institut, Kampusi I ri do i shërbejë të rinjve që studiojnë në Universitetin Bujqësor të Tiranës. “Dhe lajmi më i mirë është për Fakultetin Juridik, për Fakultetin e Gjuhëve të Huaja, që do të transferohen aty, për 12 godina, për një bibliotekë të re , për një mensë dhe për disa terrene sportive.

Të njëjtën gjë ne do të bëjmë dhe në Universitetin Bujqësor të Tiranës. Një universitet I cili ka mbajtur një peshë të madhe në gjithë kuadrot e bujqësisë dhe tani që i është kthyer vëmendja falë kësaj qeverie tek agrobiznesi, tek agroturizmi, do të kemi një kampus ku dhe tetë godinat që ishin zaptuar do të sistemohen qytetarët që për një arsye apo një tjetër kaluan vitet e tranzicionit aty falë projektit të qeverisë sonë për rindërtimin , por edhe studentët do të kenë një kampus ekzemplar”, tha Veliaj. Lidhur me banorët që kishin zaptuar këto godina, Bashkia e Tiranës u ka dhënë bonus qiraje gjer sa të sistemohen përfundimisht në një banesë të re.

“Studentët mir që vinin nga rrethet por ju jepej mistria në dorë që ta ndërtonin vet ashtu siç u bënë në fakt me shumë prej pallateve që u dëmtuan në Tiranë prej punësh vullnetare. Kjo është arsyeja pse disa nga godinat patën dëme. Patjetër kemi bërë një rikonstruksion total shumicën prej tyre, por themelet , kolonat janë po ato. Kjo është arsyeja pse tre godina që në fakt ishin zaptuar nga ata që ishin munduar që ta kalëronin grevën e studentëve, ishin zaptuar nga po këta aktivistë. Ne si socialistë nuk themi ose këta, ose ata. Ne si socialistë themi edhe këta, edhe ata. Edhe ata që kishin zaptuar për 30 vite nën atë rrumpallhane të atij regjimi do të strehohen dhe janë sot me bonus qiraje dhe do të marrin apartamentet duke lëshuar hapësirat e zaptuara në qytetin student, edhe studentët do të kenë një kampus të ri universitar. Kreu i Bashkisë nënvizoi se PS është e vetmja parti e studentëve që ëndrrën për ta bërë Shqipërinë si gjithë Europa e ka sot Biblën dhe Kuranin e vet.

“Mezi pres të përveshin mëngët dhe për gjithë studentët , qoftë protestues, qoftë që e kanë marrë kartën, apo janë rrugës, duam t’ju themi që kjo parti është e jona por është edhe partia juaj. E vetmja parti e studentëve që ëndrrën për ta bërë Shqipërinë si gjithë Europa e ka sot Biblën dhe Kuranin e vet”, theksoi ai. Si shembull të suksesshëm, Veliaj solli dhe mbajtjen e fjalës për kartën e studentëve, të cilët përfitojnë shërbime shumë herë më të lira jo vetëm tek institucionet publike, por edhe ato private.

“Në fillim fare ishte shqetësuese, sepse pjesa e lidershipit të Universiteteve kërkonte shumë pavarësi dhe më kujtonte studimet e mia, si ato vendet Afrikane që donin shumë pavarësi nga Franca dhe Anglia dhe sapo iku Franca dhe Anglia, filluan të plaçkitnin territorin e tyre për të cilin kërkonin pavarësi. Ishte habi se si shumë prej rektorëve apo dekanëve, sapo morën pavarësinë nga qeveria dhe kaluan nga Universitete shtetërore në të pavarura, autonome, gjëja e parë që bënë është tender për zyrat, për makinat, nëpër fakultete ku nuk punonte galixhani, printeri, ku harxhohej letra higjienike.

Ndaj edhe besoj që ishte e rëndësishme që ne si socialist të mos gjejmë justifikime pse të tjerët nuk i bëjnë punët, por për një punë të pabërë nga dikush tjetër ne të marrim përgjegjësinë dhe ta çojmë deri në fund. Kjo është arsyeja pse në punë ditësh ne arritëm të prodhonim Kartën e Studentit, një kompetencë që i ishte dhënë universiteteve”, u shpreh ai.

Kreu i Bashkisë u shpreh se sot çdo student që është i shkëlqyer, ka të hapur mundësinë për tu bërë pjesë e administratës. “Jam krenar sot që gjithë ata studentë me 9-a dhe 10-a janë bërë pjesë e strukturave tona të punës.

Sot një pjesë të tyre që protestonin në Dhjetor, pasi morën bursën nga kryeministri dhe qeveria jonë, sot i quaj kolegë në Bashkinë e Tiranës. Kemi pasur mbi 1700 të tillë. Mesi pres që teksa vazhdojnë rekrutimet, kush janë më të mirët, më të aftët, të përqafohen jo vetëm nga Bashkia e Tiranës por nga të 61 bashkitë e vendit dhe nga çdo dikaster të institucioneve, ku me vendimet e Këshillit të Ministrave she kryeministrit Rama është hapur dera për çdo djalë dhe vajzë që pavarësisht se si e ka mbiemrin, se si quhet mami dhe babi, pavarësisht si quhet tesera e partisë që ka është i mirëpritur t’i shërbejë shtetit shqiptar, logos së Bashkisë dhe qeverisë tonë”, theksoi Veliaj.

87775587_3021678547883445_7634274986768728064_n-1280x853.jpg
Autor E14:04 | 28/02/2020

100-vjetori i Tiranës kryeqytet i gjen 570 nxënësit e shkollës “Konferenca e Pezës” me mjedise disa herë më të mira dhe me laboratorë e terrene sportive. Bashkia e Tiranës ka përfunduar rikonstruksionin e një prej shkollave më të mëdha në Njësinë 10. “Jam shumë i lumtur që rikthehemi në këtë shkollë me një lajm të mirë.

Vërtet themi Konferenca e Pezës është një ngjarje e shënuar, që bashkoi shqiptarët përtej bindjeve, por ndonjëherë e harrojmë simbolikën dhe emrat që u vëmë institucioneve, me cilësinë që ato kanë. Jam i lumtur që kemi një shkollë më cilësore, që i shërben zemrës së Tiranës”, tha Veliaj. Kryebashkiaku dha lajmin e mirë se pas rikonstruksionit të mjediseve të shkollës, do të fillojë puna edhe për lirimin e hapësirave të zaptuara gjatë viteve të tranzicionit, për t’ua rikthyer sërish nxënësve.

“Ashtu siç po bëjmë te shkolla ‘Kosova’, edhe te ‘Konferenca e Pezës’, pasi ka mbaruar pjesa e madhe e rikonstruksionit të shkollës, do të vazhdojmë me shpronësimet, për t’i larguar nga oborret e shkollës dhe për të filluar jetën diku tjetër, ku është për banim. Shkolla është për arsim, për lojë, për terrene sportive, për hapësira që i gëzon gjithë komuniteti, dhe jo vetëm për një familje që zapton. Ne do të vazhdojmë me lirimin e kopshteve dhe shkollave. Pastrimi i terreneve nuk do të ndodhë për një ditë, sidomos kur i kanë legalizuar dhe hipotekuar, për të cilat do të duhet t’i shpronësojmë”, nënvizoi ai. Veliaj shtoi se ky është një moment për të menduar edhe për Tiranën e 100 viteve të ardhshme.

“Herën tjetër që do vij te ‘Konferenca e Pezës’ do të jetë për të filluar pjesën e palestrës që do t’i shtohet shkollës, dhe për të ndarë veç çfarë është për banim, dhe çfarë është për arsim. Momenti që i kemi hyrë në hak edhe fëmijëve me ndërtime pa leje në kopshte, shkolla, edhe çerdhe, do të thotë se jemi shoqëri që mendojmë vetëm sot për sot dhe jo për nesër.

Dua që Tirana jonë, në këtë 100-vjetor, të mendojë edhe për 100 vitet e tjera”, deklaroi ai. Grupet e punës po vijojnë me studimin e thelluar të mjediseve arsimore pas lëkundjeve të forta sizmike, për të nisur punën për përforcimin e strukturave ose rindërtimin nga e para të godinave. “Jemi duke bërë studimin e thelluar të disa shkollave që paraqesin probleme nga situata e tërmetit. Disa shkolla do të rihapen pas fortifikimeve dhe përforcimeve. Disa shkolla të tjera, në zona rurale, do të prishen dhe do të bëhen nga e para, përfshirë edhe një shkollë në zonën e Kombinatit. Unë e di se njerëzit mundohen të kapen diku dhe thonë: Shkolla u rikonstruktua, si e dëmtoi tërmeti? Kur themi rikonstruksion është kryesisht një sistemim total, dyer, dritare, rrjetet e ngrohjes, rrjetet e energjisë, rrjetet hidraulike, nyjet higjieno-sanitare, e gjithë veshja me kapotë, sistemimi i terrenit”, shpjegoi Veliaj. Drejtori i Shkollës 9-vjeçare ‘Konferenca e Pezës’, Petraq Tili tha se falë rikonstruksionit të kryer nga Bashkia e Tiranës, mjediset e shkollës janë transformuar tërësisht.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono