Nje aksident i rëndë me pasoje vdekje ka ndodhur pasditen e sotme në rrugën Korçë-Drenovë.
Një kamion ka përpalsur për vdekje një person që udhëtonte me biçikletë. Edhe pse i plagosuri është dërguar në spital, ai nuk mundur të mbijetojë nga plagët e marra. Policia ka shkuar në vendin e ngjarjes dhe po heton për zbardhjen e plotë të rrethanave të aksidentit.
Ndërkohë policia bën me dije se, dyshohet që drejtuesi i biçikletës ka goditur rimorkion e kamionit i cili ishte i parkuar në anë të rrugës.
Njoftimi i policisë:
Më datë 06.08.2019, në aksin rrugor Korçë-Ersekë, pranë fshatit Drenovë, shtetasi V.K, rreth 59 vjeç, banues në Korçë, duke drejtuar një biçikletë, dyshohet se ka goditur rimorkion e një mjeti tip kamion të parkuar në anë të rrugës, me pronar shtetasin D.Ç, banues ne Fier.
Për pasojë ka marrë dëmtime të rënda drejtuesi i biçikletës shtetasi V.K, i cili u dërgua për ndihmë mjekësore në Spitalin e Korçës, ku ndërroi jetë.
Grupi hetimor po punon për të zbardhur rrethanat e ngjarjes dhe përcaktuar shkaqet e aksidentit./ABC News Albania 24/7
