Ndërsa presidenti kinez Xi Jinping ka mbërritur në Moskë, Ukraina ka theksuar se çdo plan i ardhshëm i paqes duhet të bazohet në tërheqjen e plotë të forcave ruse nga i gjithë territori ukrainas.
Kina muajin e kaluar u bëri thirrje të dyja palëve që të bien dakord për një ndërprerje të armiqësive në një dokument me 12 pika që përshkruan një “zgjidhje politike të krizës së Ukrainës”, të cilën ajo e publikoi në përvjetorin e një viti të luftës në shkallë të gjerë të Rusisë muajin e kaluar.
Oleksiy Danilov, sekretari i Këshillit të Sigurisë Kombëtare dhe Mbrojtjes së Ukrainës, tha të hënën se formula për zbatimin e suksesshëm të “Planit të Paqes” të Kinës do të kërkonte që Moska të rivendoste “sovranitetin, pavarësinë dhe integritetin territorial” të Ukrainës.
Pika e parë dhe kryesore është dorëzimi ose tërheqja e forcave pushtuese ruse nga territori i Ukrainës në përputhje me të drejtën ndërkombëtare dhe Kartën e OKB-së”, tha Danilov në Tëitter.
Në planin prej 12 pikave të Pekinit, Ministria e Jashtme e Kinës bëri thirrje për rifillimin e bisedimeve të paqes, përfundimin e sanksioneve të njëanshme dhe theksoi kundërshtimin e saj ndaj përdorimit të armëve bërthamore, një qëndrim që Xi ua komunikoi udhëheqësve perëndimorë vitin e kaluar.
Plani është pjesë e përpjekjeve të fundit të Pekinit për ta paraqitur veten si një ndërmjetës neutral i paqes, pasi ai po përpiqet të balancojë marrëdhëniet e tij “pa kufij” me Moskën dhe prishjen e lidhjeve me Perëndimin ndërsa lufta vazhdon.
Por pretendimi i Pekinit për neutralitet është minuar nga refuzimi i tij për të pranuar natyrën e konfliktit, ai deri më tani ka shmangur ta quajë atë një “pushtim” dhe nuk ka hequr dorë nga mbështetja diplomatike dhe ekonomike për Moskën.
/abcnews.al
