Por, Partia Demokratike ka bërë denoncimin e radhës duke thënë se ligji për fiskalizimin, është një skemë e re zhvatjeje nga qeveria.
Ish-deputeti i PD, Endri Hasa tha se kjo skemë dëmton bizneset, duke nxjerrë jashtë përdorimit kasat fiskale. “Me ligjin e ri të qeverisë, të gjitha pajisjet fiskale në përdorim të biznesit, përfshirë rreth 140 mijë kasa fiskale, do të dalin jashtë përdorimit. Në vend të tyre, qeveria po krijon me ligj një sistem të ri për faturat, duke detyruar çdo biznes të deklarojë çdo veprim në kohë reale.Ky ligj rrit kostot për biznesin, cënon konkurencën e lirë, vret vendet e punës dhe çon drejt falimentimit mijëra biznese”, deklaroi ish-deputeti i PD.
Sipas selisë blu, qeveria harton vetëm politika për grabitur biznesin dhe qytetarët.
/ABC News Albania 24/7
