Në orën 15:00 Fulham do të presë në shtëpi Arsenalin ndërsa Manchesteri do të përballet në “Old Trafford” ndaj Southampton.
Fulham do të bëjë sot ndaj “topçinjve” pa 5 lojtarë, me Cairney, Kebano, Kurzaëa, Palhinha dhe Soares të padispunueshëm. Arsenal do të jetë pa dyshen Elneny dhe Nketiah. Në krye të sulmit për Arsenalin sot do të jetë Trossard, i cili do të ndihmohet nga Saka dhe Martinelli. Arsenal shihet si favorit për këtë përballje, pasi ata dëshirojnë të ruajnë distancën ndaj Cityt. Skuadra e Artetës ndodhet në vendin e parë me 63 pikë, dy më shumë se City, ndërsa Fulham në vendin e tetë me 39 pikë.
Sfida tjetër mes Manchester United dhe Southampton pritet të jetë interesante. “Djajtë e kuq” do të jenë në fushë me të gjithë artilerinë e rëndë, ku të gjithë lojtarët kryesorë do të jenë në krye të detyrës që nga minuta e parë. Në fakt, mendohet se United nuk do ta ketë shumë të thjeshtë këtë përballje, pasi Southampton ndohet në vendin e fundit dhe u duhet me patjetër fitorja./ h.ll/abcnews.al
Formacionet zyrtare Fulham-Arsenal dhe Manchester United-Southampton
