Ambasadorja amerikane, Yuri Kim mbajti një sërë takimesh me drejtues të partive politike kryesore në vend. Takimet nisën në selinë e PS-së me Sekretarin e Përgjithshëm të PS Damian Gjiknuri. Më pas, Kim shkoi në zyrën e Enkelejd Alibeajt, kreut të komanduar të PD-së si edhe në atë të Ilir Metës.
LEXO EDHE: Vendoret/ Yuri Kim takon Gjiknurin, Alibeajn dhe Metën
Analisti Roland Bejko, i ftuar në “Special Report” në Abc News komentoi lëvizjet e fundit të ambasadores. I pyetur nga gazetari Arlind Isa, Bejko u shpreh se me takimin që mbajti sot diplomatja amerikane konfirmoi se Enkelejd Alibeaj është kryetari i Partisë Demokratike.
“Ishte një takim për fushatën zgjedhore dhe Alibeaj parashtroi të gjithë merakun që ka PD për mbarëvajtjen e zgjedhjeve. Zonja ambasadore u takua me kryetarin e Partisë Demokratike të Shqipërisë. Ky është një konfirmim. Dje u takua me përfaqësuesin e PS dhe më tej me Metën si kryetar i PL-së.”, tha ai. /abcnews.al
