Ndonjëherë është e vështirë t’u thuash të vërtetën fytyrave të njerëzve, ose të shprehësh hapur se çfarë ndjejmë, por është e nevojshme. Kur jemi të sinqertë për atë që kemi në mendje dhe në zemër, krijojmë marrëdhënie më të mira me të tjerët, por edhe me veten.
Gjashtë gjëra që nuk duhet të keni frikë t’u thoni të tjerëve:
“Ti më lëndove”
Mos kini frikë t’i tregoni dikujt që ju lëndoi. Nëse ai person është vërtet i rëndësishëm për ju, duhet të qartësoni marrëdhënien dhe të mos krijoni pakënaqësi, e cila mund të përshkallëzojë dhe përkeqësojë marrëdhënien. Gjithashtu, është e rëndësishme t’i tregoni personit tjetër se çfarë i lëndon ndjenjat tuaja.
“Kam bërë një gabim”
Mos kini frikë të pranoni se e keni gabim, se jeni fajtor dhe merrni gjithmonë përgjegjësinë për veprimet tuaja. Është e vërtetë që pranimi i një gabimi është i vështirë për shumë njerëz, por sjell lehtësim në një marrëdhënie.
“Nuk e di”
Njerëzit janë gati të thonë çdo gjë, përveç “nuk e di”. Por e vërteta është se ne të gjithë vazhdojmë të mësojmë, askush nuk i di përgjigjet e të gjitha pyetjeve, edhe nëse disa prej tyre duken të qarta për të tjerët. Mos kini frikë të thoni se nuk e dini, sepse mund të jetë një fillim për të mësuar më shumë.
“Jo”
Është e rëndësishme të thuash “jo” kur e mendon vërtet. Kur themi “jo”, do të arrijmë të shmangim stresin e panevojshëm dhe detyrimet e panevojshme. Është e vështirë të thuash jo, veçanërisht për njerëzit e afërt, por për marrëdhënie harmonike dhe shëndet të mirë mendor, është e rëndësishme të vendosni kufij të qartë.
“Dua te jem vetem”
Është e nevojshme të gjeni kohë për veten tuaj, të relaksoheni, të përkushtoheni dhe të mendoni për jetën tuaj. Të gjithëve ndonjëherë na duhet kohë për të rimbushur bateritë dhe për të reflektuar mbi jetën tonë. Mos kini frikë të kërkoni kohë dhe hapësirë personale, edhe nga ata që keni më afër.
“Të dua”
Ju nuk keni asnjë garanci se personi do të përgjigjet në të njëjtën mënyrë, por nëse e ndjeni atë, nëse është në zemrën tuaj, jini mjaft të guximshëm për ta thënë atë. Askush nuk e di se çfarë do të ndodhë nesër, dhe këto dy fjalë mund të ndryshojnë gjithçka. /abcnews.al
