Ministria për Evropën dhe Punët e Jashtme ka reaguar për sulmin e armatosur në Jerusalemin Lindor, ku të paktën shtatë persona u vranë dhe dhjetë u plagosën kur një person hapi zjarr.
Përmes një postimi, ministria shprehet e tronditur dhe fakti që sulmi ndodhi në Ditën Ndërkombëtare të Holokaustit e shton edhe më shumë neverinë që ndiejmë ndaj akteve kriminale.
“Të tronditur nga sulmi i tmerrshëm terrorist në një sinagogë të #Jerusalemit . Fakti që sulmi ndodhi në #Ditën Ndërkombëtare të Përkujtimit të Holokaustit vetëm sa shton neverinë që ndiejmë ndaj akteve kriminale si kjo. Zemrat dhe lutjet tona shkojnë për familjet e viktimave dhe të plagosurve”, thuhet në postim.
Shocked by the horrific terrorist attack at a #Jerusalem synagogue.The fact that the attack took place on #InternationalHolocaustRemembranceDay only adds to the revulsion we feel against criminal acts like this.Our hearts&prayers go to the families of the victims & those injured.
— Albanian MEFA ?? (@AlbanianDiplo) January 28, 2023
Kujtojmë që sulmi thuhet se ka rritur frikën për një spirale dhune, një ditë pas bastisjes më vdekjeprurëse të Izraelit në Bregun Perëndimor në vitet e fundit. Policia izraelite e përshkroi sulmin në lagjen hebraike si një “incident terrorist”./abcnews.al
