“Babai i Kombit Amerikan” Benjamin Franklin ishte i pari që e zbatoi këtë rregull.
Fokusi i këtij koncepti është studimi njëorësh gjatë ditës. Përveç kësaj, Franklin shpesh mendonte dhe eksperimentonte për të arritur përparim personal. Franklin deklaroi në 1758 se investimi më fitimprurës është në njohuri. Pasi zgjohej në mëngjes, lexonte dhe bënte vetë-reflektim dhe më vonë gjatë ditës përpiqej t’i kthente idetë në veprime. Supozohet se kjo mënyrë jetese e bëri atë të suksesshëm.
Themeluesja e kompanisë konsulente Impact, Michelle Simmons, e frymëzuar nga Franklin, zhvilloi “rregullin pesë orë”. Duke folur për rëndësinë e studimit, Simmons tha se nëse nuk studioni të paktën pesë orë në javë, po i bëni vetes shumë dëm, madje edhe më shumë se pirja e duhanit.
Duke pasur parasysh rëndësinë e dijes, nuk është për t’u habitur që shumë biznesmenë e kanë adoptuar këtë rregull. Njëri prej tyre është multimiliarderi Bill Gates, i cili lexon më shumë se 50 libra në vit. Një tjetër multimiliarder, Warren Buffett lexon gjashtë orë në ditë, ndërsa shumica e amerikanëve të rritur lexojnë mesatarisht 20 minuta në ditë.
Mundësia për të gjetur një punë do të varet gjithnjë e më shumë nga përkushtimi për të mësuar, sepse vazhdimisht shfaqen gjëra të reja dhe është e nevojshme të përmirësohet vazhdimisht.
Si të zbatohet “rregulli pesë orësh”?
Zbatimi i këtij rregulli do të thotë që një orë në ditë ose pesë orë në javë është për të mësuar ose fituar aftësi, për të lexuar një orë në ditë, për të shkruar atë që konsiderohet e rëndësishme çdo ditë dhe për të zbatuar ide për të kuptuar se cilat prej tyre janë të mira dhe të cilat nuk janë të mira./abcnews.al
