TIRANË – Mësuesit nuk do tu shpjegojnë nxënësve në klasë të nëntë vetëm lëndën e tyre, por do ti ndihmojnë edhe për të vendosur rreth studimeve që duhet të ndjekin në vijim.
Orientimi i karrierës do të nisë që në arsimin bazë. Udhëzuesi është përgatitur nga Ministria e Arsimit dhe është shpërndarë nëpër shkolla.
Psikologët dhe punonjësit social sipas këtij dokumenti duhet të identifikojnë pikat e forta dhe të dobta të nxënësve. Mësuesi kujdesatar dhe ai i lëndës ku fëmija ka prirje duhet ti japin atij informacion e nevojshëm rreth lëndëve në gjimnaze, shkolla profesionale e unviersitete.
Në shkollën “Hasan Vogli” në Tiranë ky proces ka nisur. Ministrja e Arsimit Evis Kushi ishte për të biseduar me mësuesit. Me orientimin e karrierës që në klasë të nëntë Ministria e Arsimit synon të shmangë zgjedhjet e nxënësve ndikuar nga rrjetet sociale dhe ti përqëndrojë ato mbi talentin.
