I mituri rom që mbeti i plagosur rëndë në orët e para të mëngjesit pas një ndjekjeje nga policia, po ndodhet në gjendje shumë të rëndë në spitalin e Hipokratit në Selanik.
Sipas informacioneve, 16 vjeçari i është nënshtruar një ndërhyrjeje kirurgjikale, pasi është konstatuar se ka marrë një plumb në kokë.
Ngjarja ka ndodhur rreth orës 01:00 të mëngjesit kur Qendra e Veprimit të Menjëhershëm ka marrë një telefonatë për drejtuesin e një makine.
Shoferi pasi mbushi makinën me karburant u largua pa paguar.
Automjeti është pikasur nga policia, por drejtuesi i mjetit nuk është ndalur dhe është larguar me shpejtësi për të shpëtuar.
Më pas nisi një ndjekje dhe në rrugën Aleate, 16-vjeçari tentoi të përplaste makinën e patrullës së EL.AS.
Më pas policia hapi zjarr ndaj të miturit dhe makina u përplas me murin, shkruan protothema.gr.
I mituri i dërgua në gjendje të rëndë në spital.
Deri më tani nga policia nuk është bërë e qartë nëse 16-vjeçari ishte i armatosur dhe nëse ishte ai që hapi zjarr ndaj efektivëve./Abcnews.al/
