Xhaçka: “Angazhim maksimal për trajtim më të mirë dhe modernizim”

Pas mbarimit të situatës së vështirë me përmbytjet pothuasje në të gjithë vendin, Ministrja e Mbrojtjes zhvilloi një takim në bataljonin e këmbsorisë të Vaut të Dejës. Numri një i mbrojtjes premtoi përmirësimin e kushteve të punës dhe trajtimin financiar të tyre. “Dua që t’ju siguroj që ka një angazhim maksimal për trajtim më të mirë, për modernizimin më shumë, për përgatitje më të mirë, megjithatë, me gjithë sa jam informuar edhe nga nga komandanti, por edhe në Ministri, dua t’ju përgëzoj për përgatitjen tuaj, për punën tuaj, veçanërisht në përballimin emergjençave të shumta, jo vetëm kjo kësaj radhe, por edhe shumë herë të tjera, kur keni qenë të angazhuar.”- u shpreh ministrja Xhaçka./abcnews.al