Arsene Wenger, ish-trajneri i Arsenalit, ka folur se cilën skuadër e konsideron favorit për Botërorin e vitit 2022, i cili filloi në Katar më 20 nëntor.
“Favorit është skuadra franceze. Dhe kjo nuk është për shkak se unë jam francez. Ata thjesht kanë linjën më të fortë sulmuese mes të gjithë pjesëmarrësve në Kupën e Botës. Deschamps do të jetë në gjendje të përmirësojë lojën në mbrojtje. Nëse skuadra ka një bilanc, atëherë padyshim që ka një shans të lartë për sukses”, raporton tabloidi Daily Mail fjalët e ish-trajnerit të Arsenalit.
Skuadra franceze do ta nisë Botërorin kundër skuadrës australiane. Ndeshja do të zhvillohet sot, më 22 nëntor në orën 20:00. /G.D abcnews.al/
