Kuzhinieri i njohur, Nusret është kritikuar në rrjetet sociale pasi u mburr për faturën e një klienti që arrinte një total prej 161,423 euro, me një biftek të vetëm me çmim 1,182 euro.
I famshëm për biftekët e tij me fletë ari dhe pozën e spërkatur me kripë, u kritikua në Instagram nga komentuesit duke e quajtur çmimin “të çmendur” dhe “egoist”.
Fatura mbresëlënëse ishte nga restoranti “Salt Bae’s Nusr-Et Steakhouse” në Abu Dhabi, me 14 të ftuar që paguanin 615,065 dirhem (161,423 euro), që do të thotë se kushtonte 43,933 dirhem (11,527 euro) për person, shkruan Daily Mail.
Salt Bae, emri i vërtetë i të cilit është Nusret Gökçe, pagoi 2059 £ për dy biftekë Stambolli të mbuluara me fletë ari, 1255 £ për dy biftekë ‘osmanë’ të artë, 1027 £ për dy biftekë ari dhe një tjetër 891 £ për 11 biftekë me fileto viçi.
Por darkat nuk kishin mbaruar aty. Ata shpenzuan gjithashtu 273 £ për pesë porcione karpacio viçi, një meze me mish të papërpunuar të prerë hollë dhe 73 £ për katër qepë të lulëzuara.
Vetëm për katër porcione patate të skuqura, kuzhinieri ndikues ngarkoi 41 £ dhe 1,335 £ për bakllavanë të mbuluar me ar.
Salt Bae postoi foton e faturës në Instagram, dhe 49 milionë ndjekësve të tij, me mbishkrimin: “Cilësia asnjëherë e shtrenjtë #saltbae #saltlife #kripë”.
Menjëherë pas kësaj, Salt Bae mori një breshëri kritikash nga përdoruesit e tjerë të mediave sociale, me më shumë se 597,000 pëlqime dhe 26,500 komente, shumë prej tyre të neveritur nga fatura./abcnews.al
