Aktori i njohur, Nick Cannon pritet të bëhet baba për herë të 12-të. Abby De La Rosa e cila tashmë është nëna e djemve binjakë 1-vjeçar të Cannon, Zion dhe Zillion konfirmoi se Nick është babai i fëmijës që pret.
Përmes një postimi në Instagram, Abby shkruante: “Një natë me një Peshore mund të kthehet në 3-4 vjet, ki kujdes. Një natë u shndërrua në katër vjet dhe tre fëmijë shumë shpejt”.
Ditëlindja e Cannon më 8 tetor do të thotë se është një Peshore në Horoskop.
Në gusht, një tjetër partnere e tij Alyssa Scott konfirmoi se është shtatzënë me fëmijën e 11 të Cannon. Ndërkohë, aktori ka shtatë fëmijë të tjerë me katër gra të tjera. /abcnews.al
