Shenjtërimi i Nënë Terezës, Basha: Ditë e veçantë për të gjithë kombin shqiptar

Ish-kreu i Partisë Demokratike, Lulzim Basha ka kujtuar Nënë Terezën, sot në Ditën e Shenjtërimit të saj. Në një postim në faqen e tij në Facebook, Basha shkruan se sot është një ditë e veçantë për mbarë kombin shqiptar.

“E djeshmja ka shkuar, e nesërmja nuk ka ardhur ende. Kështu që ka mbetur vetëm e sotmja. Le të fillojmë”, citon ish-kreu i demokratëve fjalët e shenjtores shqiptare.

“Jo të gjithë ne mund të bëjmë gjëra të mëdha. Por ne të gjithë mund të bëjmë gjëra të vogla me dashuri të madhe.”

Kjo është një ditë e veçantë për mbarë kombin shqiptar dhe ne të gjithë krenohemi me Nënë Terezën, veprën dhe trashëgimin e saj.

Nënë Tereza na ka dhënë një shembull të madh se si me besim, dashuri dhe këmbëngulje mund të bësh gjëra të mëdha për ata që kanë më shumë nevojë. Nën shembullin e saj le të bëjmë të gjithë nga pak për një jetë më të mirë për çdo shqiptar.

“E djeshmja ka shkuar, e nesërmja nuk ka ardhur ende. Kështu që ka mbetur vetëm e sotmja. Le të fillojmë”, shkruan Basha.

Dita e Shenjtërimit të Nënë Terezës është festë zyrtare në Shqipëri. 5 shtatori i 2016-s shënoi në kalendarin Apostol Ditën e Shenjtores shqiptare. /abnews.al