Policia greke po punon për zbardhjen e plotë të krimit makabër që dyshohet se është kryer nga shqiptari Ledjon Brakaj 7 vite më parë.
Ledjon Brakajn, u ekstradua javën e kaluar në Greqi, pasi akuzohet për vrasjen e dyfishtë që tronditi vendin fqinj në vitin 2015.
Ai u kap në 19 gusht në Maltë pas një urdhër arresti ndërkombëtar dhe me procedura të përshpejtuara u dërgua në Greqi ku edhe do të përballet me akuzat, raporton abcnews.al. Ai akuzohet se ka vrarë me grushte tezen dhe nipin e saj dhe më pas i dogji për së gjalli, shkruan protothema.gr.
Sipas autoriteteve greke AND-ja e gjetur në kapuçin që u zbulua në vendin e krimit ka ndihmuar policinë e Atikës të zbardhë krimin brutal të kryer nga Ledjon Brakaj.
Megjithatë mbetet për tu vërtetuar nëse Ledjon Brakaj ka qenë autori i krimit tronditës, shkruan abcnews.al.
Ne foto tezja dhe nipi i saj që u dogjën për së gjalli në shtëpinë e tyre ne vitin 2015
Për tu vërtetuar nëse është ose jo autor i krimit, policia thotë se ADN-ja e Ledjon Brakaj duhet të përputhet plotësisht me ADN-në e personit që ka harruar kapuçin në vendin e krimit, ku mbetën të vdekur tezja dhe nipi i saj grek.
Sakaq policia greke ka dyshimet e veta për përputhjen e ADN-së së kapuçit me ADN-në e shqiptarit të arrestuar.
Pasi rezultatet e ADN-së nuk kanë dalë ende.
Ngjarja
Mësohet se 36-vjeçari, në orët e para të mëngjesit të datës 30 nëntor 2015, ka hyrë në shtëpinë e një 71-vjeçareje në fshatin Asomati të Aeginas me disa të tjerë pasi më parë kishte thyer dritaren me gurë.
Më pas, pasi kanë goditur me grusht të moshuarën dhe nipin e saj 44-vjeçar për t’i detyruar të tregonin se ku i kishin fshehur sendet me vlerë i kanë çuar në një dhomë. Aty, pasi i mbuluan me një grumbull rrobash dhe i dogjën të gjallë, raporton abcnews.al.
Video nga momenti i mbërritjes së Ledjon Brakajt në Greqi
“Të dy i njohën vrasësit dhe për këtë u dogjën. Flitej se tezja ime Irene mbante paund në shtëpinë e saj, por edhe se kishte të fshehura shumë para. Ajo nuk ishte e pasur dhe nuk e di nëse është e vërtetë. Me situatën në të cilën ndodhet vendi, kush është ai që po të ketë pak para në bankë, nuk do t’i merrte dhe do t’i mbante në shtëpi?“, tha një i afërm.
“Shumë njerëz thoshin se edhe një daja i djalit që vdiq kishte fshehur para dhe ia kishte lënë të gjitha Lambros që ishte shumë i urtë si njeri”, tha një tjetër i njohur i familjes.
Thashethemet për pasuri
Kombinimi i këtyre dy thashethemeve është ai që mesa duket i ka shtyrë autorët të shkatërrojë edhe pllakat e shtëpisë ku u gjetën të vdekur tezja dhe nipi. Ata i njihnin viktimat, por edhe lagjen, ndërkohë që momenti i krimit të tmerrshëm nuk u zgjodh rastësisht.
Në një shtëpi aty pranë po zhvillohej një festë e madhe për emrin e njërit prej anëtarëve të kësaj familjeje.
Muzika vijonte me zë të lartë, duke e bërë më të lehtë për vrasësit të mos dëgjohej asgjë se çfarë po ndodhte në shtëpi, raporton abcneës.al.
Së dyti, fqinjët pohojnë për mediat lokale se një natë më parë janë zgjuar në mes të natës pasi qentë në lagje lehnin në mënyrë të pazakontë, ndërsa shtuan se kishin vënë re lëvizje të dyshimta nga persona të panjohur. “Duket se para se të hynin, për të vjedhur e për të vrarë, kanë kontrolluar lagjen, që të jenë të përgatitur për të gjitha rastet”, vënë në dukje fqinjët. /abcnews.al/
