Një i ri 23 vjeç i njohur si shpërndares i kokainës në qytetin e Vlorës është arrestuar gjatë operacionit “Silenciatori”. Ky person u kap në flagrancë në një rrugicë në lagjen “Pavarësia”, me një sasi dozash Kokaine, ndërsa gjatë kontrollit në banesën e tij, Policia gjeti dhe sekuestroi dy armë zjarri Pistoleta me silenciator, një sasi tjetër me doza Kokaine, gjithsej 240, si dhe një peshore elektronike. Ndërkohë vazhdon puna në bashkëpunim me Prokurorinë për dokumentimin e plotë, identifikimin dhe kapjen e personave të tjerë, të përfshirë në këtë aktivitet kriminal. /ABC News Albania 24/7
