Tensionet në veri të Kosovës, Dendias: Greqia do të bëjë gjithçka për të lehtësuar dialogun mes Beogradit dhe Prishtinës

Ministri i Jashtëm grek, Nikos Dendias ka reaguar në lidhje me tensionet në veri të Kosovës për çështjen e reciprocitetit të targave mes Kosovës dhe Serbisë.

Dendias është shprehur se Greqia do të bëjë gjithçka që mundet për të lehtësuar procesin e diskutimit dhe zgjidhjes së mosmarrëveshjeve ndërmjet Beogradit dhe Prishtinës.

Lexo edhe: Tensionet në veri të Kosovës, ministria e Jashtme e Ukrainës thirrje palëve: Përmbahuni nga veprimet që provokojnë dhunë

“Stabiliteti dhe siguria në rajonin më të gjerë është diçka që është absolutisht me interes për diplomacinë greke. Nuk më kujtohet sa herë, në dy vitet e fundit, kam vizituar Prishtinën dhe Beogradin. Po ashtu, siç dihet, Greqia merr pjesë në KFOR-in, forcën paqeruajtëse në Kosovë .Pra, ajo që kërkohet është respektimi i së drejtës ndërkombëtare. Është gjithashtu mjedisi që do t’i lejojë Beogradit dhe Prishtinës të diskutojnë dhe zgjidhin mosmarrëveshjet e tyre” , ka thënë Nikos Dendias./abcnews.al/