Vrasja e 5-vjeçares Elena del Pozzo nuk ka ndodhur në shtëpi.
Lexo më shumë për ngjarjen këtu
Gjurmët e gjakur të gjetura në banesë janë sjellë nga jashtë,saktëson Prokurori Publik i Katanias pas hetimeve të kryera nga policia.
Një veshje e nënës ishte sekuestruar gjatë një kontrolli në shtëpinë e gruas në Mascalucia.
Zbulimi përkon me deklaratat e nësnës 23-vjeçarja, Martina Patti, e cila kishte thënë se ishte kthyer në shtëpi për të ndërruar rrobat dhe për t’u larë.
Mediat italiane shkruajnë gjithashtu se në shtëpi u gjet pudingu që e vogla Elena kishte lënë përgjysmë, para se nëna e saj ta merrte dhe ta çonte në një vend ku ajo kishte luajtur si fëmijë dhe 5-vjeçarja kishte kuriozitet për ta parë.
Ishte pikërisht ky vendi ku 23-vjeçarja kreu vrasjen dhe më pas e futi trupin në qese plastike për të humbur gjurmët.
Detajet që dolën nga autopsia ishin tronditëse. Vajza u godit 11 herë me thikë, njëra prej të cilave ishte vdekjeprurëse.
Arma e vrasjes nuk është gjetur ende megjithë kërkimet e shumta nga Karabinierët e Seksionit të Hetimeve Shkencore dhe komandës provinciale të Katanias, të cilët kanë kontrolluar tërësisht vendin ku u gjet trupi i Elenës. /abcnews.al
