Disa vite më parë, para se të bëhej një ndër aktoret më të paguara në botë, Zendaya publikoi disa këngë. Dhe megjithëse regjistron muzikë herë pas herë për projektet në ekran, Zendaya thotë se preferon aktrimin sesa të kënduarit, sepse lejon më shumë anonimitet.
“Unë po flisja me Sam Levinson (krijuesin e serialit Euphoria, në të cilin ajo luan) për këtë më herët. Unë thashë ‘Nuk e di nëse do të mund të bëhesha ndonjëherë një yll i popit’. Kjo ndodh sepse kur je aktor, mund të kem një nivel anonimiteti, gjë që më pëlqen më shumë. “, tha aktorja.
Zendaya shprehu pikëpamje të ngjashme për “anonimitetin” duke folur në një intervistë në 2019 dhe zbuloi se e la muzikën për shkak të “kontratave të këqija”. “Unë e lashë muzikën për shkak të kontratave të këqija, të jem e sinqertë. Industria e muzikës është shumë e ndryshme nga kinemaja dhe bota e teatrit.”
/abcnews.al
