Seria A nuk i ndahet Adnan Januzajt, pasi një tjetër skuadër italiane kërkon shërbimet e lojtarit me origjinë shqiptarë.
Napoli është skuadra e cila nuk heq dorë nga 27-vjeçari, ku kontrata aktuale e Januazjt me Real Sociedad përfundon më 30 qershor dhe rinovimi mes palëve nuk duket në horizont.
Kjo gjë i pëlqen shumë klubit të Napolit, që sipas raportimeve nga mediat italiane po e studion mirë Januzajn dhe pritet që shumë shpejt t’i bëjë edhe ofertë.
Pavarësisht se gjatë sezonit që u mbyll 27-vjeçari nuk pati një rendiment shumë të mirë, pasi në 44 ndeshje të luajtura në të gjitha kompeticionet shënoi vetëm 5 gola dhe dha 3 asiste, sulmuesi është një fiksim i vjetër për italianët, të cilët tashmë duke shumë afër realizimit të kësaj dëshire.
Megjithatë duhet theksuar se pas eksperiencave në Angli, Gjermani dhe në Spanjë, një përvojë në Itali do e bënte më shumë se të plotë CV-në e Adnan Januzajt. /f.a/abcnews.al
