Johnny Depp, u prit me shumë entuziazëm nga fansat në Manchester disa ditë pasi fitoi gjyqin e tij prej 50 milionë dollarësh kundër ish-bashkëshortes Amber Heard.
Ylli i Hollywoodit, iu bashkua këngëtarit Jeff Beck në turneun e tij dhe u shfaq gjatë koncertit të mikut të tij në “Manhester 02 Apollo” në veri të Anglisë.
58-vjeçari kishte veshur një kapelë shumëngjyrëshe dhe një këmishë me katrore ndërsa fansat i janë mbledhur përgjatë rrugës duke i kërkuar foto. Ai u ndal për të nënshkruar autografe dhe për të pozuar me fansat e shumtë, të cilët donin të tregonin mbështetjen e tyre për aktorin e “Pirates of the Caribbean”.
Kjo erdhi pak kohë pasi Depp paditi ish-gruan e tij Heard, 36 vjeçe, për 50 milionë dollarë për një intervistë të vitit 2018, në të cilën pretendonte se ishte viktimë e abuzimit në familje. Depp fitoi gjyqin nga juria në Virxhinia në SHBA këtë javë, që do të thotë se ai do të marrë miliona kompensim nga Heard./abcnews.al
