Bajram Begaj është i përzgjedhuri i socialistëve për postin e presidentit të ri të vendit. Kandidatura e tij do të votohet sot në seancën e posaçme të Kuvendit.
Megjithatë, gjërat duket se nuk po shkojnë sipas planit. Begaj aktualisht mban postin e shefit të Shtrabit të Përgjithshëm të Forcave të Armatosura. Për të nisur rrugëtimin e tij drejt Presidencës, ai duhet të lirohet nga detyra aktuale. Sipas Kushtetutës, presidenti nuk mund të mbajë asnjë detyrë tjetër publike.
Begaj do të paraqesë dorëheqjen e tij te ministri i Mbrojtjes, por edhe tek presidenti Ilir Meta, i cili është edhe Komandat i Përgjithshëm i Forcave të Armatosura.
Duket se këtu nis edhe ngërçi. Ndërkohë që PS duhet të depozitojë kandidaturën e Begajt në Kuvend këtë mesditë, ai ende rezulton në detyrë te FA. Nga ana tjetër, socialistët presin firmën e Metës për lirimin e tij nga detyra, por kreu aktual i shtetit ndodhet në një vizitë në Turqi.
Sjellim në vëmendje se një situatë e ngjashme ndodhi me Sandër Lleshajn, të cilin kryeministri Edi Rama e emëroi ministër të Brendshëm, por Meta nuk pranonte asokohe për ta liruar nga detyrat e tij ushtarake. /abcnews.al
