Respekti i ndërsjellë është ndoshta karakteristika më themelore e një marrëdhënieje të shëndetshme dhe funksionale. Problemi është se disa sjellje ju duken normale dhe nuk u jepni rëndësinë e duhur. Përveç abuzimit, ka edhe sjellje të tjera, më pak të dukshme, që konsiderohen flamuj të kuq.
Shmang çdo diskutim serioz
Ai ose e shmang diskutimin ose vendos ta ndërpresë pa ju pyetur. Çfarëdo që i duket e vështirë ose nuk i pëlqen, ai thjesht zgjedh ta injorojë atë. Nëse e bën këtë për të reflektuar, është në rregull. Përndryshe, është një flamur i madh i kuq.
Kohë të papërshtatshme për një çështje serioze
Dy partnerët duhet të respektojnë njëri-tjetrin dhe të zgjedhin një moment kur të dy do të jenë të përshtatshëm për të diskutuar. Nëse partneri juaj zgjedh vetëm momentet e këqija, do të thotë se nuk ju respekton.
Nuk mban atë që i keni besuar
Nëse keni një problem me partnerin tuaj, ka kuptim të dëshironi ta diskutoni atë me miq të ngushtë ose me njerëz që keni besim. Por kur bëhet fjalë për raste kur informacioni ka të bëjë vetëm me njërin dhe qarkullon te të tjerët, ndërkohë që duhet të qëndrojë mes jush, atëherë tregon se gjërat nuk janë në rregull.
Ai dëshiron të jetë prioriteti juaj, në çdo rast
Është shumë e rëndësishme të kemi dashuri, respekt, kohë cilësore dhe komunikim të mirë, por nuk është e mundur të jemi vazhdimisht në dispozicion të partnerit. Prioriteti jemi ne dhe më pas të gjithë të tjerët. Kur dikush kërkon përkushtimin tuaj , ai ju manipulon dhe nuk ju respekton. /abcnews.al
