Jim Carrey ka reaguar ashpër pas incidentit në Oscar, ku Will Smith goditi me shuplakë komedianin Chris Rock. Duke folur për CBS Neës të hënën, aktori tha se do të kishte ngritur menjëherë një padi të rëndë kundër Smith, i cili fitoi çmimin Oscar për aktorin më të mirë.
“Unë do të njoftoja se do të padisja Will-in për 200 milionë dollarë. Sepse ajo video do të jetë atje përgjithmonë. Do të jetë kudo. Kjo fyerje do të zgjasë shumë.” Ai shtoi se ishte po aq i tmerruar nga reagimi në dukje pozitiv i audiencës ndaj shuplakës.
“Ndjeva neveri. Ndjeva neveri nga ovacionet në këmbë. Hollywood-i është thjesht pa shtyllë kurrizore dhe mendoj se ky është tregues i qartë se ne nuk jemi më ‘the cool club’ “, tha ai duke shtuar se fakti që komediani nuk ka ngritur akuza është se nuk do sherr.
/abcnews.al
