“Kauza e tyre, e drejtë”, Alibeaj për protestën: Policia të ndalë dhunën ndaj qytetarëve

Në të gjithë vendin janë zhvilluar sot protesta kundër rritjes së çmimeve ku ka pasur dhe të arrestuar. Partia Demokratike ka dënuar sipas saj dhunën e ushtruar ndaj protestuesve dhe arrestimet e tyre. Përmes një postimi në rrjete sociale nënkryetari i PD, Enkelejd Alibeaj shkruan se sot lëvizjet në bursë reflektohen në çmimin e karburantit brenda orës dhe sot 60 përqind e çmimit janë taksa.

“Të ndalet dhuna e policisë ndaj protestuesve që më të drejtë po kundërshtojnë rritjen abuzive të çmimit të karburantit! Sot lëvizjet në bursë reflektohen në çmimin e karburantit brenda orës dhe sot 60 përqind e çmimit janë taksa. Rama duhet menjëherë të marrë masa të nxjerre ekonominë nga kriza dhe të ndalojë rritja abuzive e çmimeve”, shkruan Alibeaj.

/abcnews.al