Në “Air Albania” ora 19:45 e gjithë vëmendja do të jetë te derbi mes Tiranës dhe Partizanit. Një derbi që do të jetë i luftuar deri në sekondat e fundit, me skuadrat që do të kërkojnë të vendosin diktatin e tyre.
Spektakli do të jetë i garantuar edhe në shkallët e stadiumit ku dy tifozeritë më të “zjarrta” do të dhurojnë emocione të vërteta në mbështetje të skuadrave të tyre.
Formacionet janë një element i rëndësishëm dhe te Tirana do vijojnë njëlloj si kundër Teutës. Edhe te Partizani pritshmëritë janë të njëjta, por trajneri Mehmeti e ka një dilemë për krahun e majtë të mbrojtjes, pasi bardheblutë janë goxha të shpejtë nga krahët.
Formacionet e mundshme:
Tirana: Bekaj, Tosevski, Najdovksi, Hoxhallari, Përgjoni, Limaj, Toli, Totre, Seferi, Xhixha, Devid. Trajner: Orges Shehi
Partizani: Hoxha, A. Marku, Belica, Bitri, Sota, Rrapaj, Mala, Kallaku, Cara, Stenio Junior, Skuka. Trajner: Dritan Mehmeti. /f.a/abcnews.al
