Kamioni përplas biçikletën aksin Lushnjë – Fier, ndërron jetë 53 vjeçari

Një 53 vjeçar ka ndërruar jetë në spitalin e Spitalin e Lushnjes, pas përplasjes nga një kamion në aksin rrugor Lushnjë – Fier. Policia njofton se viktima ishte duke lëvizur me biçikletë, ndërsa ka arrestuar drejtuesin e kamionit 52 vjeçarin nga Tirana me iniciale B.S.

Njoftimi i Policisë

Specialistët e Sektorit të Qarkullimit Rrugor, arrestuan në flagrancë shtetasin:

B.S, 52 vjeç, banues në Tiranë.

Arrestimi i këtij shtetasi u bë pasi dje gjatë natës, në aksin rrugor Lushnje – Fier, duke drejtuer mjetin kamjon tip “Iveko” ka aksidentuar shtetasin N.N, 53 vjeç, banues në Fier, i cili ishte duke lëvizur me biçikletë.

Për pasojë, shtetasi i dëmtuar N.N ka ndërruar jetë në Spitalin e Lushnjes.

Materialet i kaluan Prokurorisë pranë Gjykatës së Shkallës së Parë Lushnje për veprën penale “Shkelje e rregullave të qarkullimit rrugor”. /abcnews.al