Bashkimi Evropian njoftoi sanksione të reja ndaj Rusisë të premten herët që do të synojnë sektorët financiarë të vendit, energjinë dhe transportin, politikën e vizave dhe përfshijnë kontrollet e eksporteve dhe ndalimin e financimit të eksporteve.
Sanksionet do të kenë “ndikim maksimal në ekonominë ruse dhe elitën politike,” tha presidentja e Komisionit Evropian Ursula von der Leyen në një konferencë të përbashkët shtypi me presidentin francez Emmanuel Macron. “Ne e konsiderojmë përgjegjës Kremlinin”, tha ajo.
Ajo tha se sanksionet financiare prenë tregjet më të rëndësishme të kapitalit të Rusisë dhe se ata tani synojnë 70% të tregut bankar rus dhe kompanive kryesore shtetërore raporton gazetarja Hira Humayun e “CNN”. Sanksionet do të rrisin kostot e huamarrjes së Rusisë, do të rrisin inflacionin dhe “gradualisht do të gërryejnë bazën industriale të Rusisë,” tha ajo.
“Ne po synojmë gjithashtu elitat ruse duke frenuar depozitat e tyre në mënyrë që ata të mos i fshehin më paratë e tyre në strehë të sigurta në Evropë,” shtoi ajo.
Një ndalim i eksportit do të godasë gjithashtu sektorin e naftës të Rusisë dhe do të ndalojë shitjen e të gjitha pjesëve rezervë dhe pajisjeve të avionëve te linjat ajrore ruse, gjë që Von der Leyen tha se do të godiste një sektor kyç të ekonomisë ruse dhe lidhjen e vendit. Sanksionet gjithashtu kufizojnë aksesin e Rusisë në “teknologjinë thelbësore,” tha ajo.
Diplomatët, grupet e lidhura dhe biznesmenët nuk do të kenë më akses të privilegjuar në BE, shtoi ajo. / abcnews.al
