Kanye West po përpiqet që të rifitojë ish gruan e tij, Kim Kardashian. Pasi reperi i famshëm i dha fund lidhjes së shkurtër me aktoren Julia Fox, ka bërë një gjest romantik për nënë e katër fëmijëve të tij. Edhe pse Kim duket e lumtur me Pete Davidson, kjo nuk e ka ndaluar reperin t’i shprehë dëshirën për t’u ribashkuar.
Ai i ka dërguar për Shën Valentin një kamionçinë me lule. Reperi është shprehur se ka besim se do të ribashkohen. Kim paraqiti kërkesën për divorc nga West në shkurt 2021. Më parë, reperi akuzoi Kimin se nuk e kishte lënë që të shihte fëmijët e tyre por ajo pretendon se po përpiqet të manipulojë situatën e tyre në media.
“Divorci është mjaft i vështirë për fëmijët tanë dhe obsesioni i Kanye për të kontrolluar dhe manipuluar situatën tonë në mënyrë kaq negative dhe publikisht, vetëm sa po shkakton dhimbje të mëtejshme për të gjithë”, tha Kardashian në një deklaratë në fillim të këtij muaji.
/abcnews.al
