Rusia e ka konsideruar të papranueshme deklaratën e kryeministrit të Shqipërisë Edi Rama, se Kosova është pjesë e Shqipërisë. Në një deklaratë për shtyp, zëdhënësja e Ministrisë së Jashtme ruse Maria Zakharova deklaroi se Moska nuk mund të qëndrojë indiferente ndaj deklaratës së Ramës se bashkimi Shqiper-Kosovës nuk është plan “B” por “A”.
Në reagim thuhet se një retorikë e tillë është absolutisht e papranueshme. Zakharova theksoi se, një plan i tillë është synim për të arritur në kufijtë e Serbisë.
“Ne e konsiderojmë këtë një shkelje të rezolutës 12-44 të Këshillit të Sigurimit dhe presim nga Perëndimi që të dënojë plane të tilla gjeo-politike”, vijoi zëdhënësja.
Për Moskën, një lëvizje e tillë minon stabilitetin dhe besimin mes vendeve të Ballkanit, si dhe komplikon dialogun mes Prishtinës dhe Beogradit. /abcnews.al
