Një person është vënë në pranga dhe një tjetër është shpallur në kërkim në Gjirokastër me finalizimin e operacionit të koduar “Transporter”. Bëhet e ditur se në pranga është vënë M.G., 29-vjeç, banues në Gjirokastër.
I riu u arrestua në aksin rrugor Kakavije-Gjirokastër, në vendin e quajtur “Kthesa e Sofratikës” pasi gjatë kontrollit të ushtruar në automjetin e tij tip “Toyota Yaris” u gjetën 27. 6 kg cannabis sativa. Kurse, bashkëpunëtori i tij, K. M., 28 vjeç, është shpallur në kërkim. Policia sekuestroi lëndën narkotike dhe tre aparate celulare.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Prodhimi dhe shitja e narkotikëve” e kryer në bashkëpunim. /abcnews.al/
