Shifra të larta në Maqedoninë e Veriut, mbi 2 mijë raste të reja

Ministria e Shëndetësisë në Maqedoninë e Veriut ka njoftuar  se gjatë 24 orëve të fundit nga 7.038 teste janë regjistruar 2.269 raste të reja me koronavirus.

Nga MSH theksojnë se nga 2.269 raste të reja 310 janë riinfektime.

Po ashtu ka pasur edhe 1.420 të shëruar dhe 24 persona kanë humbur jetën. Që nga fillimi i pandemisë në Maqedoni janë diagnostifikuar gjithsej 247.663 raste, ndërsa prej tyre 222.306 janë shërime dhe 8.139 janë raste vdekje. Numri i rasteve aktive momentalisht është 17.218.