Kreu i Këshillit të Kërkimeve Mjekësore të Afrikës së Jugut, në deklaratën e tij të fundit ka bërë me dije se një dozë përforcuese e vaksinës Johnson & Johnson COVID-19 është 85% efektive kundër trajtimit të llojit të koronavirusit Omicron për një deri në dy muaj pas aplikimit.
Në një konferencë për mediat ai ka publikuar të dhënat gjatë hetimit të SAMRC nga Ministria e Shëndetësisë e Afrikës së Jugut mbi valën e katërt të epidemisë së re të koronavirusit në vend, e cila u shkaktua nga varianti i ri Omicron.
“Ne kemi regjistruar 85% efikasitet të vaksinës dhe kemi parë që ky lloj efikasiteti i vaksinës ruhet deri në dy muaj. Jemi shumë të kënaqur të raportojmë nivele shumë të larta të efektivitetit të vaksinës kundër Omicron”, tha Grey.
Ndër të tjera studimi ka shqyrtuar dhe kujdesin shëndetësor të provokuar gjatë valës së katërt të epidemisë së vendit dhe shkencëtarët zbuluan se doza përforcuese uli shtrimet në spital me 63% në dy javët e para pas aplikimit, duke arritur në 85% më pas, për një periudhë nga një deri në dy muaj./abcnews.al
