Në bisedë me televizionin zyrtar Ajax, Edwin Van der Sar ka shfrytëzuar rastin për të analizuar sukseset sportive të ekipit holandez.
Drejtori holandez, dikur ish-portieri i Holandës vuri në pah rregullsinë e klubit në aspektin evropian.
“Qëllimi ynë ishte të bënim një hap përpara në aspektin evropian dhe ia dolëm. Tre vite më parë ishim në gjysmëfinale të Champions League, shitëm lojtarë dhe në dy sezonet e fundit kemi arritur gjithmonë të paktën 10 pikë në fazën e grupeve. Është një rregullsi që duam ta mbajmë. Më e rëndësishmja është të jesh i suksesshëm në aspektin sportiv, pra të fitosh një kampionat, një kupë dhe të përpiqemi të shkojmë sa më larg në Champions League”, ka shpjeguar ai, marrë nga A Bola.
Kujtojmë se Ajax zuri vendin e parë në grupin e Sportingut, duke shtuar të gjitha ndeshjet e luajtura për fitore. Në fazën e 16-të, stema e Amsterdamit do të përballet me Benfikën. /abcnews.al/
