Deputeti i Partisë Demokratike, Tritan Shehu ka kërkuar dorëheqjen e kryeministrit Edi Rama, ndërsa e thirri sot në interpelancë. Nga foltorja e kuvendit, deputeti demokrat e cilësoi si projekt të rrezikshëm “Ballkanin e Hapur” dhe i kërkoi kryeministrit që të tërhiqej.
“Do të kërkoja dorëheqjen tuaj. Ju keni pësuar një dështim të madh politik me Ballkanin e Hapur. Ju kërkoj të bëni edhe atë që bëri Zaev pak kohë më parë. Ju bej thirrje të hiqni dorë nga projekte të tilla që shikojnë shumë në lindje. Vuçiç është zëdhënës i zotërisë së tij, mos u bëni zëdhënës i zëdhënësit. Shqipëria ka vetëm një të ardhme atë evropiane. Unë do ju them diçka, është e vërteta që hije të zeza vërviten sot në rajonin tonë projekte të rrezikshme copëtimesh ka dhe janë skutave. Prandaj them kujdes! Ne duhet të jemi shumë të qartë se Shqipëria ka vetëm një të ardhme atë të BE. Kjo sanksionohet me preket të Brukselit dhe ko ato me vulën e Vuçiç. Kjo bie ndesh me interesat tona zoti kryeministër. Shikoni ç’po i ndodh në Ukrainë këto ditë. Duhet të jemi krejtësisht të rreshtuar me perëndimin”, u shpreh Shehu. g.v/abcnews.al
