Tetë duele prej orës 13:30 në Kategorinë e Parë. Bylisi, që humbi në mesjavë kundër Shkumbinit, kërkon të reagojë dhe ka mundësinë më të mirë kundër Maliqit në Ballsh.
Skuadra e Jeton Beqirit pret edhe ndonjë nder nga Butrinti, që ta rrisë diferencën prej 5 pikësh që ka nga Erzeni i vendit të dytë.
Korabi i vendit të tretë duhet të bëjë detyrat e shtëpisë kundër Vorës, kurse mes Besës dhe Tomorit ka një ndeshje direkte.
Burreli-Lushnja është një takim interesant i ditës së sotme, ndërkohë që në plan janë edhe ndeshje të tjera si Turbina-Shkumbini, Besëlidhja-Tërbuni dhe Pogradeci-Apolonia. / abcnews.al
