Studimi për pallatin 28 katësh te Shkëmbi i Kavajës, rekomandim për shembje

15:20 | 06/04/201915:200

Instituti i Ndërtimit në Tiranë ka hartuar një relacion me kërkesë të prokurorisë Durrës ku rekomandon prishjen e një pallati 28-katësh te Shkëmbi i Kavajës. Sipas raportit, konstatohet se ky objekt ka probleme të shumta ndërkohë që edhe leja e ndërtimit është shkelur. Dy vite më parë u procedua penalisht pronari i objektit për katet shtesë pa leje.

Pallati 28- katësh i ndërtuar në vijë e parë të plazhit në Shkëmbin e Kavajës duhet të shembet. Është ky rekomandimi qe vjen nga Instituti i Ndërtimit Tiranë.

Në relacionin e hartuar me kërkesë të prokurorisë së Durrësit, inxhinierët e këtij institucioni thonë se objekti shfaq probleme të shumta.

Gjithashtu specialistet kanë konstatuar që leja e ndërtimit është shkelur, duke rekomanduar prishjen e objektit.

Burime nga ky institucion thone se menjehre pas këtij relacioni, drejtori i Institutit të Ndërtimit, inxhiner Agron Hysenlliu është kërcënuar nga pronari i pallatit, Enver Shala.

Ky objekt edhe me herët ka qenë në qendër të vëmendjes për shkak të shembjes se konstruksioneve metalike të 3 kateve të fundit shtesë, duke rrezikuar jetën e punëtorëve.

Dy vite më parë Enver Shala, pronari i objektit u procedua penalisht në gjendje të lirë për shkatërrim të pronës nga pakujdesia dhe shkelje të rregullave të mbrojtjes në punë.

Ndërsa më herët dhe pikërisht në vitin 2013, i është prishur kompleksi Kamelia tek Ura e Dajlanit si dhe një tjetër objekt tek Shkembi i Kavajës. /abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono