Koronavirusi nuk e ka origjinën nga tregu “famëkeq” i Wuhan-it. Kështu ka deklaruar një nga zyrtarët më të lartë të shëndetit në Kinë.
Gao Fu, drejtuesi i Qendrës për Kontrollin dhe Parandalimin e Sëmundjeve deklaroi:
“Në fillim menduan se tregu i produkteve të detit mund të ishte bërë shkak për virusin, por tashmë ky treg është më shumë si një viktimë.”
Kjo deklaratë vjen pikërisht nga shkencëtari i cili më herët kishte deklaruar se tregu i Ëuhan-it ishte vendi ku kishte “lindur” Covid-19. Më pas, tregu në fjalë u mbyll dhe u pastrua si të ishte skenë krimi.
Tashmë Gao pranoi se asnjë shenjë e virusit nuk u gjet nga kampionët e marra nga kafshët e marketit të “Wuhan-it”. Ai shtoi se gjurmë të virusit u gjetën vetëm në kampione të marra në mjedis duke përfshirë edhe ujërat e zeza.
Deklaratat vijnë në një kohë kur Wang Yanyi, drejtuesi i Institutit të Virologjisë në Ëuhan, deklaroi në një intervistë televizive se pretendimet se virusi ka “rrjedhur” nga njësia e tyre me siguri të lartë “janë fabrikime të pastra”. /abcnews.al/
