Wuhan
So Nila15:04 | 01/04/2020
Një i ri kinez që studion në Mbretërinë e Bashkuar është bërë personi i parë që e ka rikthyer koronavirusin në Wuhan, ish-qendra e pandemisë.
Qyteti, javën e kaluar deklaroi se kishte ndaluar kryesisht shpërthimin pasi regjistroi vetëm një infeksion të ri brenda 10 ditësh.
Autoritetet lokalë të shëndetësisë raportuan se studenti 16-vjeçar është ‘rasti i parë’ i importuar në qytet. Ata gjithashtu deklaruan se 16-vjeçari nuk ka shfaqur simptoma.
Sipas Komisionit Shëndetësor Komunal Wuhan, Zhou jeton në Qarkun Caidian të qytetit dhe studion në Mbretërinë e Bashkuar .
Autoritetet deklaruan se 16-vjeçari, i njohur me mbiemrin e tij Zhou, kishte udhëtuar në Wuhan nga Newcastle përmes Dubait dhe Pekinit.
Pasi kaloi kontrollet mjekësore në aeroport, ai u dërgua në një dhomë të vetme për t’iu nënshtruar vëzhgimit mjekësor.
Ai më pas udhëtoi në qytetin e tij të lindjes nga Pekini më 23 mars me tren dhe u vetë-karantinua.
Lajmi u bë i ditur pasi Pekini ndërmori masa të reja për të monitoruar ardhjet e reja nga jashtë, si dhe të ashtuquajturat ‘transportues të heshtur’ mes frikës se krijuar ata mund të shkaktojnë një valë të dytë.
Kina ka regjistruar deri më tani 691 raste të reja COVID-19, ku burimi kryesor është Mbretëria e Bashkuar, sipas statisitkave zyrtare.
Më shumë se 1800 njerëz kanë vdekur nga COVID-19 dhe mbi 25,000 janë infektuar në Mbretërinë e Bashkuar./abcnews.al
Sid Orela09:04 | 27/03/2020
Personi i parë i infektuar me koronavirusin e ri në Wuhan mendohet të jetë një grua e cila shiste karkalecë të gjallë.
Gruaja në fjalë shiste tek marketi në të cilin mendohet të ketë nisur fillimisht pandemia. Infrormacionet vijnë nga një dokumet i klasifikuar që ka “rrjedhur” në media. Zonja Wei jetonte në një apartament me qira më pak se 500 metra nga vendi ku ndodhej marketi dhe ka pasur temperaturë më 11 dhjetor.
Duke menduar se kishte gripin sezonal, ajo shkoi tek një klinikë e vogël që kishte afër për të kërkuar ndihmë mjekësore, por injeksionet që i bënë nuk e shëruan. Dokumenti në fjalë nuk e tregonte indetitetin e plotë të gruas në fjalë, por sipas The Ëall Street Journal ajo është 57-vjeçare dhe emri i saj i plotë është Wei Guixian.
Qendra Kineze për Kontrollin dhe Parandalimin e Sëmundjeve tha në janar se koronavirusi ishte kaluar tek njerëzit nga kafshët e egra të shitura për ushqim në marketin ku punonte Wei.
Shitësja ka treguar më tej se vazhdoi të shiste produkte deti tek tregu ndërsa ishte e sëmurë dhe më pas shkoi tek një spital të madh në Wuhan, për një opinion në dytë.
Më pas mjekët në një spital tjetër kuptuan se rasti i saj ishte i pazakontë dhe i ngjashëm me shumë raste të tjera të dyshimta që po zbuloheshin në vend. /abcnews.al/
So Nila11:20 | 24/03/2020
Wuhan është epiqendra e përhapjes së pamdemisë Covid-19, e cila po i rrit frikshëm shifrat e të prekurve dhe jetëve të humbura nëpër botë.
Mirëpo, qyteti i Wuhan-it duket se ia doli, pasi pas 3 muajsh izolim total është gati të lejojë sërish qarkullimin.
Duke qenë se infeksionet e reja u ulën në zero më 19 mars, vendi është gati t’i kthehet normalitetit.
Sipas zyrtarëve të provincës Hubei në Kinë, transporti në Wuhan do të rifillojë në datën 8 prill.
Vendi u izolua dhe u ndalua çdo mënyrë transporti menjëherë pas shfaqjes së koronavirusit, në dhjetor të vitit që lamë pas.
Megjithatë, kjo pandemi ka shkaktuar në mbarë botën 386,317 raste të infektuara deri tani dhe 16,713 viktima./abcnews.al
ger ta07:44 | 20/03/2020
Për herë të dytë në Wuhan nuk është regjistruar ansjë rast i ri me koronavirus. Në Wuhan shpërthen fillimihst viruis i ri në Kinë, por duket se ka fitura betejën.
Ndërkohë mediat vendase raportojnë se në Kinë janë regjistruar 39 raste të reja, por janë të importuara nga jashtë vendit.
Numri i vdekjeve në Kinë gjithashtu është ngadalësuar në mënyrë drastike, ku kishte vetëm tre vdekje të reja, thonë autoritetet, duke e çuar numrin e përgjithshëm të viktimave në 3,248.
Fokusi i Pekinit është zhvendosur nga frenimi i transmetimeve lokale në ndalimin e virusit që të kthehet në vend nga jashtë.
Kina dhe shumë vëzhgues ndërkombëtarë thonë se rënia e rasteve është për shkak të masave drastike të bllokimit, ku qytete dhe provinca të tëra u futën në karantinë. /abcnews.al
ger ta09:47 | 14/03/2020
Është ulur drastikisht numri i rasteve të reja me koronavirus në Wuhan, kryeqyteti i provincës së Hubei. Ditën e sotme janë shënuar vetëm katër raste të reja në epiqendrën ku shpërtheu virusi që u kthue më pas në një pandemi të rrezikshme botërore.
Sipas të dhënave të siguruara nga Komisioni Kombëtar i Shëndetit Kinez (NHC), ky është niveli më i ulët që nga fillimi i mbledhjes së të dhënave në janar.
Pas shpërthimit në këtë provincë, koronavirusi është shpërndarë në rreth 123 shtete të botës, përfshirë edhe Shqipërinë. /abcnews.al
eri Ida17:13 | 11/03/2020
Kina më në fund duket se po shikon sukseset në kuadër të betejës me koronavirusin. Mesa duket, ky virus i cili ka alarmuar botën po fillon të zhduket nga epiqendra ku lindi, në Ëuhan të provincës Hubei në Kinë.
Në rrjetet sociale po shpërndahet një video në të cilën shihen mjekë dhe infermierë kinezë që festojnë në Wuhan të Kinës ku edhe filloi përhapja e epidemisë COVID-19.
Sipas të dhënave të publikuara sot nga një zëdhënës i Komisionit Kombëtar kinez të Shëndetit, numri i rasteve të reja të konfirmuara me COVID-19) ka rënë nën 20 për herë të parë në Wuhan.
Ndërkohë që asnjë rast i ri nuk është raportuar në qytete të tjera të krahinës në pesë ditët e kaluara./abcnews.al
So Nila11:57 | 10/03/2020
Duke dhënë një mesazh të qartë për kontrollin e situatës në vend, presidenti i Kinës Xi Jinping ka vizituar Hubein, qytetin epiqendër të epidemisë së koronavirusit. Vetëm të hënën në këtë qytet u shënuan 17 viktima të reja.
Kjo është hera e parë që presidenti kinez udhëton në këtë qytet, një shenjë e qartë kjo që autoritetet kineze mendojnë se e kanë nën kontroll situatën.
Njeriu më i fuqishëm i Kinës mbërriti me avion në Hubei për një inspektim sipas raportimit të mediave në vend.
Ai është takuar me mjekët që për javë të tëra kanë qenë në linjë të parë, zyrtarë ushtarakë dje vendorë, agjentë policie, pacientë dhe banorë të qytetit. Ditën ku janë mbyllur dje dy nga 16 spitalet e emergjencës si pasojë e krizës së virusit, presidenti kinez përshëndeti të gjithë ata që luftuan epideminë.
Të hënën në prolvincën e Hubeit u regjistruan 17 viktima të reja ku janë të shtruar aktualisht 14.957 persona, ndërsa të shëruarit janë 47.585.
Xi, javët e fundit kishte dërguar në Wuhan kryeministrin e vendit për të verifikuar masat e marra kundër epidemisë. Pas tij kishte shkuar dhe zëvendës kryeministri. Vizita surprizë e presidentit nënkupton normalizimin e situatës duke dërguar në të njëjtën kohë një mesazh pozitiv brenda dhe jashtë vendit./abcnews.al
So Nila12:08 | 18/02/2020
Qeveria kineze, pas shpërthimit të Koronavirusit, ndërtoi në kohë rekord spitalin me 1000 shtretër, për të gjithë të prekurit nga virusi vdekjeprurës.
Ndërkohë, tashmë që sot brenda spitalit po trajtohen mijëra të sëmurë, në disa fotogra të publikuara nga mediat e huaja vihet re sesa e lodhshme ka qenë për të gjithë punëtorët të finalizojnë të gjithë punën në kaq pak ditë.
Në foto shihet një punëtor që është shtrirë për të fjetur mbi materialet e ndërtimit mes të ftohtit./abcnews.al
eri Ida22:06 | 17/02/2020
Autoritetet shëndetësore në Kinë kanë lajmëruar vdekjen e Drejtorit te Spitalit të Wuhan, vatres se koronavirusit. Në të njëjtin spital te premten nderroi jete edhe një infermier.
Pikërisht nga kjo zone shpërtheu dhe epidemia e koronavirusit. Nderkohe 10 ditë më parë në kete spital një mjek tjetër,nuk i mbijetoi infektimit.
Li Wenliang, ishte i pari qe dha alarmin për shpërhapjen e virusit, por nuk u dëgjua gjërësisht nga kolegët dhe autoritetet.
Ndërkohë, në qytetin vatër të virusit, një ndër pacientët e infektuar u kurua me plazmën e gjakut të mbledhur nga personat e shëruar, dhe ka arritur të dalë nga spitali. /abcnews.al
ger ta19:36 | 14/02/2020
Teksa Kina vijon të jetë në gjendje të jashtëzakonshme për shkak të koronavirusit, në Wuhan ku është edhe epiqendra e virusit janë zhdukur dy gazetarë.
Sipas mediave ta huaja, dy gazetarët po përpiqeshin të tregonin të vërtetën mbi atë që po ndodhte në qytetin e kthyer në epiqendrën e shpërthimit epidemik.
Fang Bin dhe Chen Qiushi ishin të vendosur të dy për të përcjellë atë që mund të zbulonin për krizën, duke raportuar nga Wuhan, kryeqyteti i provincës Hubei.
Ata postuan video në internet, shkëmbyen fotografi dhe histori dramatike nga brenda qytetit të karantinuar që është izoluar nga pjesa tjetër e vendit.
Si rezultat, ata morën mijëra shikime në videot e tyre. Por të dy ata janë zhdukur pa lënë gjurmë, dhe në kanalet e tyre online nuk përcillet më asgjë. Videot e tij të para për virusin, Fang Bin i kishte postuar në 25 janar në Youtube, i cili është i ndaluar në Kinë, por aksesueshëm përmes kanaleve private virtuale VPN.
OBSH sakaq pretendon se rastet me koronavirus nuk po rriten në mënyrë dramatike jashtë Kinës. Përjashtimi i vetëm është në një anije të ankoruar në Japoni, ku numri i të infektuarve është rritur në 218, nga 174 sa ishte.
/abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
